Eleisaun iha loron 20 Augusto, Alkatiri ho Lu-olo Komesa halo Kampanha Eleitoral

.

Written by Domingos Silva - Wednesday, 27 July 2011

CJITL Eleisaun, Loron 20 Augusto ne'ebe determina hanesan loron eleisaun direita ba estrutura foun partidu Fretilin, komesa hahu dadaun ona kampanya eleitoral, liu – liu ba lista uniko partidu nian ne'ebe sei kompete ba kadeira prezidente no sekretariu jeral.

Militantes Fretilin sei fo sira nia votu direita liu husi eleisaun unilateral partidu nian ne'ebe sei hala;o iha loron 20 Augusto mai.

Lista uniko ne'ebe kompostu husi Francisco Guterres hanesan candidatu ba prezidente no Mari Alkatiri ba Sekretariu Jeral komesa dadaun kampanye politiku iha Dili no distritu sira.

Tuir konfirmasaun husi ajenda kampanya ne'ebe Radio Fretilin, Radio Maubere anunsia katak Kinta feira ne'e kandidatu lista uniku ne'e sei hahu kampanye iha Distritu Aileu depois sei kontinua ba distritu sira seluk.

Tuir komentariu Alkatiri iha Radio Maubere, Edisaun Terca feira horseik, hateten katak militantes partidu sira ne'ebe rejistu ou hetan ona kartaun partidu sei vota iha sentru votasaun ne'ebe deit besik ba sira.

Iha Diskursu Alkatiri ne'ebe Radio Maubere fo sai, katak estudantes sira ne'be sai ona militantes Fretilin maibe oras ne'e tun ona mai Dili, keta fila ba sira nia distritu, tanba bele vota deit iha Dili. (Domingos da Silva/CJITL)

.