DÍLI SAI NUMERU 1 BA VIOLENSIA DOMESTIKA

.

SR. LASAMA, NÃO SEJA COBARDE, PARE A VIOLÊNCIA CONTRA A SUA MULHER

Timor Post - Kinta, 07 Julhu 2011

Dili-Kazu ba Violensia Domestika ne’ebe Foku Pers Simu hatudu katak Distritu Dili sai numeru um iha teritoriu ida ne’e, Fokupers simu kazu sira ne’e, la inklui kazu hanesan nebe Polisia, Pradet no JSP sira atende,” Lia hirak ne’e hato’o husi diretora Fokupers, Maria Bareto ba Timor Post foin lalais ne’e iha nia knar fatin, Farol Dili.

Barreto husu ba Parlamentu Nasional no Presidente da Republika atu bele fo atensaun seriu ba iha violensia domestika, tuir nia katak, dadaun ne’eTimor Leste buras ho violensia domestika maibe suspeitu husik livre, vitima kontinua halerik ho nia terus.

Nia hateten kazu violensia domestika nafatin a’as maske ita iha ona lei kontra violensia domestika ne’ebe mak promulga ona husi Presidente da Republika iha tinan 2010, kazu Violensia domestika hakontese iha teritoriu tomak ho situasaun oioin, iha vitima sira balun nr’rbr iha hela ameasa nia laran tanba autor sira livre hela no lian la kona.

Nia hatutan, violensia fijiku, tuir dadus fokupers katak violensia domestika fijiku maka’as ne’e mos hanesan violensia ne’ebe hetan hikus liu, iha mos violensia ekonomia, psikologia ne’e sira hakontese iha sira nia moris hanesan violensia domestika ne’e hikus liu mak sira hato’o.

Maria hatutan, problema mak wainhira akontese violensia hirak ne’e ita la iha prizaun preventiva, “Prizaun Preventiva ba autor Violensia sira la iha, entaun ida ne’e mak sai hanesan problema bo’ot tanba depois akontese violensia hasoru feto, suspeitu sira livre i vitima sira mak ameasadu fali,” nia konfesa no husu ba Parlamentu Nasional no Prezidente da Repúblika atu bele fo atensaun ba asuntu ne’e. (mj4)

.