DEKADENSIA MORAL IHA KOMUNIDADE TIMOR LESTE

.

Husi AIKURUS NICE

Hau hanoin, Srs. padres sira iha direitu no obrigasaun atu mos fo'o hanoin ruma kona ba lalaok vida politika. Maibe hau hare hanesan Sr.padre Martinho Gusmao dedika tempu barak liu ba politika duke doutrina kristan.

Oras ne'e iha ita nia rain, iha tendencia ba vida mundu nian bot liu duke reinu Lalehan; moral vida kristan menus (dekadencia moral) iha komunidade nebe maioria katolika hanesan ita iha TL.

Ita nia joven sira iha tendencia husik hela eskola ka lakohi serbisu (barukten).

Lor-loron sira lakon tempu barak hodi konsumu alkol, droga, involve iha jogus taru osan, prostituisaun, dok husi igreja, laiha respeitu ka laiha etika ba ema seluk, halo violencia no sel-seluk tan, nebe direta ka inderetamente impede ema seluk moris no hamate sira nia futuru rasik.

Hau hanoin Sr. padre Martinho tenki fo'o tempu barak liu hodi koalia barak liu ba assuntu nebe liga ho vida moral no jovens sira nia futuru duke, gasta tempu barak liu ba assuntus politikus.

Politiku ne'e buat " poder no kadeira" nebe ema barak hakarak ba iha neba. Biblia hanorin, fo'o ba Cesar saida maka pertence ba nia, no ba Maromak saida maka Maromak nian, mesmu ke Nai Lulik sira labele lakon sira nia atensaun ba lalaok vida politika iha Timor Leste.

.