David Ximenes : “Sei Defisil Rekollha Kilat Ilegal”

.

Paulo Martins nia oan ?

Jornal Nacional Diario - Segunda-feira 25 Julhu 2011

Kilat ne’ebe Instituisaun Policia Timor Leste (PNTL) ho Falintil- Forsa Defeza Timor Leste (F-FDTL) fahe iha krize tinan rihun rua ne’en, bainhira la iha kontrolamentu defisil rekollha kilat illegal ne’ebe ohin loron komesa tarutu fali iha Dili laran ne’e.

“ Kilat sira ne’ebe uluk fahe iha tinan rihun rua ne’en, ne’e kontrola tiha ona ka la’e? Komando PNTL no F-FDTL tenke kontrola hotu sira nia kilat ne’e, iha hotu ka la’e, laos ne’e deit se mak servisu iha arekadasaun (Armas PNTL no F-FDTL) ninian iha momentu fahe kilat iha tinan rihun rua ne’en, tenke bolu no tenke husu tuir, kilat hira mak falta I tamba saida mak falta” Hateten Deputado David Dias Ximenes, nu’udar membru Komisaun B Parlamentu Nacional Trata ba Asuntu Esntranjeiru, Defeza I Seguransa Nacional ba Jornal Nacional Diario Sesta loron rua nolu resin rua fulan Julhu foin dadaun ne’e iha Parlamentu Nacional.

Nia dehan iha tinan rihun rua ne’en F-FDTL fahe duni kilat reservas ne’ebe uluk Falintil ninian ne’ebe sira la tama forsa Armada, mas sira halo lista, se mak simu kilat, kilat saida, no numeru mekaniku kilat ne’e saida no sira hatene tuir se mak simu kilat konsege intrega tina ona. Nune’e mos ba PNTL ne’ebe mak uluk simu kilat illegal hirak ne’e.

Kona ba esteitmentu Primeiru Ministru Kay Rala Xanana Gusmao ne’ebe hateten katak sei uja forsa hasouru situasaun ne’e, tuir deputado Mandati ne’e hanesan ameasa de’it.

“Uluk kedas to’o ohin loron hau sei dehan nafatin buat ida be uja forsa ou la uja forsa ne’e relativu depende ita nia abilidade de planu operasional” Sublinha deputado ne’e.

Nia hateten tan katak prevensaun bele mosu kuando servisu de informasaun operasionais Policia ninian ho forsas Armadas ninian sira tu’ur hamutuk avalia gravidade situasaun to’o ona iha ne’ebe, entaun iha ne’e komesa halo operasaun de protesaun koativa preventiva.

Nune’e mos iha okajiaun ne’e nia parte konsidera operasaun ne’ebe durante ne’e PNTL halo ne’e sabraut de’it tanba la buka uluk informasaun hafoin operasaun, dehan Mandati.

.