.
Written by Domingos Silva - CJITL - Friday, 15 July 2011
CJITL Flash, Partidu Kongresu Nasional Rekonstruksaun Timor Leste-CNRT sesta 15/7 fahe kareta ba Kordenador Distritu sira hodi bele halao servisu Partidu nian iha Baze.
Kareta ne’ebe mak kordenador Distritu sira simu ne’e hamutuk 13 ho marka POR.
Tuir Kordenador Partidu CNRT Distritu Baucau Francisco da Costa via telephone hateten katak Partidu CNRT fahe Kareta ba kordenador sira iha distritu atu bele halao servisu makaas iha baze.
“Partidu Politiku ida ne’ebe mak hakarak metin iha nasaun ida ne’e, tenke responde duni buat ne’ebe mak Kordenador sira iha Distritu infrenta, atu nune’e bele servisu makaas liu tan ba Partidu ne’e” dehan Francisco via telephone sesta 15/7.
Nia hatutan katak kareta ne’ebe mak kordenador Distritu sira hetan ne’e laos ba Kordenador deit, maibe ba Partidu CNRT no Estrutura iha Distritu nian.
“Hau sente ho transporte ne’ebe mak Partidu CNRT fo, kordenador Distritu sira sei servisu makaas liu tan ba Partidu CNRT, atu nune’e Partidu CNRT sei bele manan maioria iha eleisaun 2012” komenta Francisco.(Domingos da Silva/CJITL)
.
2 comentários:
Maluk sira keta cemburu.
Partidu balu gasta osan rihun ba rihun loke radio partidu nian, partidu balu fali fasilita kareta ba sira nia kordenador iha distritu.
Kareta nee laos povo nia kusta hanesan mos radio Fretilin laos povo nia kusta.
Nebe la problema ida! Naran uza buat sira nee ba povo nia diak.
Osssan partidu nian atu gasta ba estrutura partidu nian, laos hanesan FRETILIN nian, fo hotu fali ba Mari Alktiri ho nia familia...........
Enviar um comentário