Jornal Nacional Diário - Kinta, 30 Juñu 2011
Dili-Prosesu hadi’a hikas sigla (singkatan) no kompozisaun bandeira FRETILIN-Mudança nian atu hetan legalizasaun husi Tribunal Rekursu (TR) sai Partidu, to’o ohin loron, seidauk tama iha Presidente Tribunal Rekursu, Claudio Ximenes nia futar liman.
“To’o agora prosesu hotu kona ba grupu ne’e atu sai partidu seidauk fila mai hau nia liman, tanba ne’e, hau la hatene bainhira tan mak sira hatu hatama,” informa Prezidente Tribunal Rekursu Claudio Ximenes hodi responde JNDiário iha Centro Convenção Dili, kuarta (29/6), Claudio haklaken katak, tribunal rekursu foti tiha ona desizaun hodi notifika FRETILIN-Mudança atu hadia hikas sira nia sigla ho kompozisaun Bandeira.
Tamba simblo FRETILIN-Mudança nian kuaze hanesan ho Partidu FRETILIN ne’ebe lidera husi Marí Alkatiri ho Françisco Guterres “Lu-Olo”, Claudio hateten.
Bainhira prosesu no dokumentus foun husi FRETILIN-Mudança nian hatama ona ba Tribunal Rekursu, maka Tribunal sei hare fila fali.
“Se buat hotu, los ona, entaun Tribunal Rekursu sei halo rejistu ba partidu foun ne’e, maibe, wainhira seidauk los la bele regista,” Claudio hatutan. Sel
.
0 comentários:
Enviar um comentário