Brigadeiro Lere Prontu Truka Maijen Taur Matan Ruak

.

Timor Post - Kinta, 14 Julhu 2011

WAIMORI-Maijor Jeneral Taur Matan Ruak, tuir Planu atu rejigna an husi Instituisaun Forsas Armadas F-FDTL, Portanto Brijen Lere afirma ita lalika tau laran ba ema ida deit, tamba Maijen Taur rejigna aan, nia (Lere-red) mak sei assume respondablidade.

“Hau mak sei ba fali nia fatin pelomenus tinan lima (5) hanesan ne’e, atu ita bele iha esperensia, hodi nune’e labele laran metin ba ema ida de’it,” lia hirak ne’e hato’o husi Brigadeiro Jeneral Lere Anan Timor ba Jornalista sira, Tersa (12/07) wainhira partisipa iha serimonia excercicio Forsa Armada nian iha Waimori, Manatuto.

Iha intervista ne’e Brigadeiro Lere afirma katak, sira ne’ebe mak oras ne’e lori ona luta ne’e to’o iha ninia finalidade, la signifika tenki mate iha Instituisaun F-FDTL nia laran, ne’e duni lia hirak ne’e nia hateten tanba ema hotu rona ona katak Maijor Jeneral Taur Matan Ruak husu atu rejigna an ba vida sivil.

“Ami sira ne’e la’os iha ne’e para mate de’it iha instituisaun nia laran,” maibe iha loron ida ami sei sai husi ne’e,” dehan Lere.

Ne’e duni se karik iha tinan ida ne’e ou tinan oin mai mak Maijot Jeneral Taur Matan Ruak pozitivo ona rejigna an konserteja Brigadeiro Jeneral mak sei assume fali rsponsablidade nudar Maijen,” Lere esplika.

Nia relembra fila fali situasaun gerilha iha tempo pasadu katak, uluk sira hotu laran metin ba maun boot Xanana, maibe depois inimigu kaer nia iha 1992 ami hateten “A Luta Continua” ne’e duni agora ita tenki passa.

Portanto Maijor Jeneral hanoin atu rejigna an, hau hanoin laiha problemas, tamba nia iha Timor Instituisaun la halua nia, tamba nia mak harí Instituisaun ne’e ho ninia kapasidade, portanto nia sai mos sei hanesan konsilheiro ba Forsa Defeza Timor-Leste no mos konsilheiro ba Komandante sira mak kontinua kaer Forsa ida ne’e. (tom)

.