.
Jornal Nasional Diário - Kuarta, 06 Jullu 2011
Dili -Kritika parte Igreja katak politikus sira barak ke halo promessa falsu ne’e Bancada FRETILIN kontenti, tamba realidade durante ne’e politikus sira balu promesas buat oi-oin ba povu maibe la halo tuir promesas, maibe Bancada CNRT senti triste ho deklarasaun Bispo Dioseze Baucau, Dom Basilio do Nascimento.
Deputadu husi Bancada FRETILIN, Inacio Moreira dehan ba jornalista sira iha Parlamentu Nasional Tersa, (5/7) horsehik, agradese ba Amo Bispo Dom Basilio nia deklarasaun hodi kritika partidus politikus sira, tanba tuir nia katak deklarasaun Bispo nian ne’e los duni tanba partidu politikus barak maka halo promesa falsu ba povu.
“Hau agradese ne’ebe boot tebes ba Amo Bispo tamba ho kritika sira hanesan ne’e, los duni, tamba ita nia politikus sira dehan kuandu ukun atu hadia povu nia moris, maibe sira ba iha ne’eba halo promesa bosok deit, ida ne’e mak akontese,” dehan Deputadu Inacio Moreira.
“Tuir Inacio katak Lia los Maka Amo Bispo Koalia ne’e,” tan ne’e hau husu ba ema sese deit mak ukun rai ida ne’e tenke ho moral no responsablidade, atu uja osan povu nia halo didiak hodi halo dezenvolvimentu iha rai ida ne’e,” koalia Inacio.
Iha fatin hanesan deputado Natalino dos santos, husi Bancada CNRT dehan hanesan jerasaun foun senti triste ho deklarasaun Bispo Dioseze Baucau Dom Basilio do Nascimento.
“Maibe dala ruma Bispo haree faktus realidade foun ne’ebe halo promessa bosok maka ita nia Bispo koalia hanesan ne’e, tamba ema ne’ebe iha igreja sempre koalia buat ne’ebe los, maibe hau triste tamba Bispo dehan Partidu Politikus sira mesak fehuk hotu deit,” afirma Natalino.
Tuir Amo Bispo nia deklarasaun katak,” Hau hanoin fundamental, tanba partido sira, agora ne’e la fo resposta ba sidadaun ida-idak nia hakarak, ne’e duni buat ne’ebe it abele uza hanesan prinsipiu mak ne’e partido hotu-hotu la hakotu ema nia hakarak, ne’e duni balun rekoinese nia an iha CNRT, balun rekoinese iha FRETILIN, Balun iha PST, PD, ASDT no iha partido kikoan sira seluk ne’e,” dehan Dom Basilio ba foin lalais ne’e iha rezidensia Dioseze Baucau.
Bispo Diaoseze Baucau ne’e hatutan, Politiku sira mesak bosokten tantanan deit, mesak feuk tantanan deit, iha fatin balun ema liu ona politika, maibe komu iha Timor atu halo ema sai politiku, nebe ema mambae sira dehan, politiku ema oituan deit, maibe politiku Timor tomak mesak politiku tantanan deit.alf
.
12 comentários:
Ai, Amo nee para kolia barak!
Tansa maka ita boot la forma partido ida ato tama eleisoes 2012.
Nudar alo Timor Oan sai porrero.
Aidona Maubisse
Bispu ne gosta kritika deit. Mak ema seluk kritika karik bispu - ne rai nabeen kedas ona.
Hanesan Nasaun democracia ida, sidadaun ida-ida iha nia direito atu kritika nem se deit. Amo Bispo mos nudar sidadaun Timos nian ida, nia mos iha direito atu kritika se deit, tamba ne mak ita labele dehan Amo ne koalia barak, nusa Amo la forma partidu politico ou ema kritika fali Amu rai naben kedan, liafuan sira ne mesak liafuan nebe que la merece atu dehan ba Nain ulun Igreja nian ida. Tuir Hau nudar sidadaun Timor nia hare katak, los duni, iha partidu balun nebe que durante ne seidauk compri promesa balun nebe que uluk sira halo ba povo, I tuir hau nia hare nusa mak partidu sira ne la foti Amo nia kritikas sira ne atu hadiah sira nia an para bele concore iha eleisaun nebe sei mai. Hau hanoin katak dalan los liu mak ita foti Amo nia liafuan kritikas sira ne’e atu bele refleta ita ida-idak nia an, Los duni g lae saida mak uluk hau koalia i promesa ba povu ne compri hotu tiha ona g lae? Foti kritikas sira sai hanesan lisaun mai ita nia moris. Hau hanoin ita quando halo hanesan ne’e, ita nia rai Timor ne’e sei lao ba oin ho diak I democracia sei buras iha rai Timor no Mundo internacional sei hare ita katak ita mos bele duni halo progresso ba ita nia rai rasik duni.
Husi Ave
SEU SAKANA 1 dehan Amo nee kolia barak tansa maka ita boot la forma partido ida atu tama eleisoen nee,La iha MORAL ba vida komum.WARNING!!!
Nebe? Sidadaun seluk mos la bele kritika bispu & igreja ka?
Bele kritiku parlamentu, governu, prezidente, instituisaun seluk-seluk tansa mak labele kritika bispu & igreja?
Ita ida-idak mos bele kritika igreja atu hadiah instituisaun ida ne.
Tuir Hau nia hare, kona ba kolega ida nebe dehan nusa mak ita labele kritika Igreja ou Bispo? hau hanoin ita boot laiha konhecemento ruma kona ba saida mak naran Igreja no Bispo karik?
Igreja ne universal, geral ba ema hotu, agora Bispo ne’e ema nebe Santa Creda fo fiar atu lidera diocese ida. Agora ita quando hakarak kritika Amo ida, ita mos bele kritika sira, semak dehan ita la bele kritika sira? Ita bele ba hasoru sira hodi dehan halo hanesan ne’e ladiak, hanesan neba mak diak. Mas molok ne’e hare uluk ba ita nia an lai, ita nia capacidade, visaun atu kritika sira ne klean g lae? Tamba tuir hau nia hatene katak sistema nebe Uma Creda implementa ne’e laos hanesan nasaun ida hanesan ita Timor, nebe implementa sistema democracia.
Husi Ave
Hau la komprende liu ema sira hanesan aidona maubisse no nia maluk sira seluk,amo bispo kulia tuir realidade nebe acontece dadaun iha Timor ne,e mos sala hotu ka?I
Ave - justru mak ida ne duni. Igreja hakarak komenta no partisipa iha prosesu demokratis maibe nia rasik la demokratik?
Nia halo krimi ka violasaun ruma nia hatan ba nebe? Ba lei rai ne nian ka ba nebe?
Igreja no ema fanatik hanesan Ave la simu kritikas. Realidade mak ida ne.
Loke ita nia an tomak ba demokrasia la karik la lika mete iha politik.
merda O ida Aidona beik at liu iha Ema maubese halo mae ita Ema maubese deit. la hatene koalia mos hakarak koalia,Igreija nee PILLARD ida moralitas nian laos politika? keta monu fali ou lao ba kotuk hanesan Governo Alkatiri nian uluk katak sira tau tiha Igreija atu Analisa sira nia lalaok to ikus mai Alkatiri fila trata tan Bispo DOM Belo.koidado Bispo ho padre sira tau Batinha hanesan feto maibe sira nia k'biit liu Presidente ho Jenderal sira??Attention!! chao,PUSSADA
Sr. Bispo koalia ne los duni. Politiku barbarak no mesa beikten deit, balu tama parlamentu hakerek mos la hatene, hakara hetan deit kadeira no husik tiha povu sira nebe votu sira tama parlamentu. Balu iha partidu laran maibe beikten, karik sira la beikten oras ne povu sei bele diak uit oan, maibe sira tur iha nebe hare membros governu, ministros, secretarius de estado, barak seluk tamn naok maibe sira la halo buat lida maski sira forma ona orgaun no lei oioin atu hare KKN. Buat hotu hotu dehan sei halao investigasaun ne to'o haluha deit. Hare deit ba kasu joven Correira Lebre nebe polisia ida mak tiru, kasu ne iha nebe? Ema hotu hare polisia ida mak tiru maibe nem ema ida ba kadeia no joven ne mate saugati deit tan sa? Polisia taka an maibe politikus sira halo saida? Tur iha parlamento povo nia osan selu sira fulan fulan la falta maibe dala barak sira falta maibe osan fulan simu kompleto. Sae kareta parlamento nian maibe sae ba pasiar laos ba hare povo nia vida iha foho sira neba oin sa. Maibe antes koalia promete buat barak maibe to'o ikus la halo. Los deni nesak beikten deit. Amo Bispo hateten ne los duni.
Agora Amu Bispo kritika oituan hotu-hotu dehan ladiak, uluk AMu maubere organiza demo hasoru governo dehan amu no igreja sira mak halo diak dehan governo mak at. Tuir hau nia hanoin Igreja mak ita, ita mak governo, ita mak estado,so halo diferente mak idak2 ho nia posisaun ho nia servisu.Se ita uza sasan hirak ne'e sala, nia resultado mak la gosta malu, halo diskriminasaun hasoru minoria, dehan ami mak halo luta ida seluk lae, tenki respeita ami laos husik ema mak respeita sira ida nee mak sei akontese.
Hei, hau laos ema beik. Hau ema normal ida no kakutak. Bispo iha direito anessa sidadaun ato expressa nian pensamento. Hau laos contra ida nee. Hau contra Bispo koalia barak liu. Imi sira defende Bispo keta halua, sira nee uluk maka ajuda Alkatiri sahi ussi gubernu.
Tuir democracia no sassan sira padre no bispo actuasaun iha mundo tomak, ita la hare padre ga bispo sira koalia barak anessan ita nia bispo. Hau sinti katak bispo diak liu anorin timoroan sira ato kolia portugues no tetun.
Diak liu bispo forma partido ida ato assoro 2012 eleisaun.
Aidona Maubisse
Enviar um comentário