Alterasaun Lei FP sei loke dalan ba Korupsaun

.

Timor Post - Kinta, 14 Julhu 2011

Dili- Asesor Internacional iha komite konsultivu Fundo Petroliferu Timor Leste, Tim Anderson hateten alterasaun ba lei Fundo Petroliferu Timor leste sei hamosu perigu no fasil atu loke dalan ba korupsaun.

“Iha tinan hirak liu ba orsamentu barak liu rai hanesan modelu ne’ebe persija kuidado maka’as, no kontinuasaun ba manajementu no recursu hirak ne’e sei halai hotu ba dalan korupsaun. Ita hare NYT 21 Fevereiru 2006 kuaze muda hotu” hateten Anderson liu husi via email ba

Timor Post foin lalais ne’e.

Anderson hatutan Governu ne’ebe lidera husi Primeiru Ministro Kay Rala Xanana Gusmao iha tagihan, molok Parlamentu Nacional liu husi proposta de lei No 52/2011 halakon artigo balu ne’ebe tuir lolos tau iha lei refere hodi prevene orsamentu Fundo Petroliun.

Nune’e bazeia ba lei foun hatudu ba Governu intrega orsamentu barak ba investor Internacional atu halo investimentu ba Mercadoria no orsamentu hirak ne’e sei tau hanesan garantia ba debe no intrument especial fora husi orsamentu estado sei lakon total.

Ikus mai rendimentu orsamentu sei nakloke ba Governu atu dada hotu no lei tuan, kona ba prevensaun Fundo Petroliferu artigo 7-9, 14-15 No. 20 sei naksobu.

“Alterasaun lei refere akontese tamba kontestu osan Internacional iha Mercado ne’ebe la klaru, hodi la’o iha dalan ba korupsaun, exemplu kontratu foos, Infra-estrutura no Telekomunikasaun” hatutan Anderson.

.