.
 |
| MAFIOSO |
Jornal Nacional Diário - Segunda, 18 Julhu 2011
Dili-Direktor Kompanha Bola Guling Luz Clarita, Aleixo Cobra hateten katak Ministru Turismu, Comersiu no Industria (MTCI), Gil Alves kria problema boot tamba taka jogus Bola Guling nebe nia kompanhia halao durante ne’e.
Aleixo esplika, kuandu governu taka jogos bola guling, signifika Gil Alves mos hamosu tan dezempregu iha rai ne’e.
“Hau loke investimento ba jogos Bola Guling ne’e tamba hetan legalizasaun husi governu, kuandu agora governu taka fali ne’e hau lahatene, ema 380 nebe servisu iha aktividade ne’e atu ba servisu iha ne’ebe, ne’e hanesan Governu hakarak hamate sira nia vida,” hateten Aleixo ba JNDiario, Domingo 7/7, iha Hotel Luz Karita, Dili.
Tuir Aleixo, kuandu Gil Alves hakarak taka, wainhira lisensa ne’ebe fo ba nia ne’e remata ona,” Se haruka taka derepenti ne’e hau (Eleixo Cobra) la konkorda, se obriga hakarak taka entaun tenke troka osan ne’ebe hau investe iha jodus ne’e, ne’e mak solusaun,” Cobra hateten.
Kona ba Cabang ne’ebe kompanhia loke Governu Konsidera hanesan illegal, Aleixo hateten, ne’e la los, tamba cabang hirak nebe nia loke hamutuk 4 ne’e hetan legalizasaun husi Inspektur Geral dos Jogos (IGJ) MTCI, Miguel dos Santos Lobato ho nomeru karta konesementu ba autoridade lokal, inklui PNTL ho no office. 52/IGJ/MTCI.IV/11.
Husi Cabang 4 ne’ebe Luz Clarita loke mos iha konesementu ba Chefe Suku, Sub-Distritu, no to’o Polisia sira. Dehan Cobra. Agi
.
4 comentários:
Gil Alves taka jogu nee entaun hau fo parabens.
Timor oan sira sei moris iha kiak nia laran e jogu osan sira nee hanesan droga. Kuandu ema hetan ona gostu mak sira sei la para.
Dala ruma osan fo han familia mos sei gasta hotu ba buat nee e familia mak terus.
Joga osan bele haburas problema sosial barak tebes. Lain ba joga hotu osan, fen stres laiha osan fo han oan, laen fen diskute malu, laen baku tasak fen, polisia mai kaer lain, familia lakon orsamentu, oan sira hamlaha. labarik sira.
BRAVO TAKA TIHA MAKA DIAK.SE ALEIXO COBRA HAKARAK LOKE NIA BELE BA IHA LAGA NEBA,LALIKAN LOKE IHA DILI LARAN.SA.......I
Jogo ne ladiak ba timor, tamba sai problema bo'ot ba familia sira. Maibe ne sei la taka tamba Gil mos halo osan ho ida ne, ne mak Aleixo Cobra la tauk no mos governu fo ona lisensa ba Aleixo. Hanesan mos prostituisaun bola gulin sei la para tamba PNTL no Ministro sira mos involve iha neba. Gil Alves koalia kontra Aleixo tamba Aleixo lakoi fo oan roko.
Milisi 1 mak iha poder, nia bele halo hotu mak konsekuensia mosu tuir.
Koligasaun nian ukun mak hanesa ne: se mak rona se, hotu bele halo hotu.
Enviar um comentário