Written by Domingos Silva - Friday, 24 June 2011
CJITL Eleisaun, Prezidente Assosiasaun Sosial Demokratika de Timorense-ASDT Fracisco Xavier do Amaral husu ba Joventude sira lalika halai tuir manobras Politiku, diak liu buka malu fo ideias ba malu lori Nasaun ne'e ba Futuru labele atu destroi fali nasaun ne'e.
"Joventude sira mak futuru nasaun ne'e nian, Joventude sira tenke buka katuas sira, lider Partidu Politiku sira hodi troka ideas tanba imi ka turufu" dehan Francisco Xavier, sesta 24/6 iha debate nakloke entre Partidu ASDT ho Jornalista sira Iha Fundasaun Oriente, Dili.
Nia Hatutan katak se kuandu Partidu ASDT mak kaer Governu, ASDT sei fo oportunidade liu ba joventude sira, iha obrigasaun tenke tama hotu Militar.
"ASDT mak ukun Governu Joventude sira tenke tama hotu F-FDTL, Polisia no Bombeiros, sei fo salariu $ 200,00 kada Fulan" Informa Xavier.
Joventude sira labele monu ba manobras politika ne'ebe mak atu hatama imi iha rai kuak diak liu mak buka malu fo liman ba malu hodi Nasaun ne'e ba in laos atu ba fali kotuk.(Domingos da Silva/CJITL)
.
2 comentários:
Hau respeita tebes Avo Xabi, maibe Avo hare diak liu deskansa ona.
Avo nia hanoin atu fo servisu ba joven hotuhotu hanesan funsionariu estadu nian hau senti ba la diak karik.
Populasaun Timor barak liu mak joven. Halunusa estadu atu fo servisu ba ema sira nee hotu? Entaun lalika ona buka dezenvolve setor privadu ka? Estadu mak sei fo servisu ba ema hotuhotu ka?
Avo la hanoin didiak antes koalia nee ou entaun nee mos hanesan fali manobras politika Avo dehan joven atu labele monu ba.
Avo nia naran boot ona ba Timor nia istoria e idade mos avasadu ona diak liu deskansa ona para fo fatin ba joven sira.
Avo Xabi halo tuir deit Bloku Proklamador nia estratejia.Ita llika fo sala ba ita nia Avo Xabi!!!
Enviar um comentário