Timor Post - Kinta, 09 Juñu 2011
Dili- Primeiru Ministru Kay Rala Xanana Gusmão husu ba inspektur geral estadu atu investiga membru governu balun mak komete mal administrasaun, iregularidade.
“Atan oan hau nu’udar Primeiru Ministru, presidente komite da revizaun orsamentu, ita konhese malu, konhese malu ho ministru sira no konhese malu ho ita bo’ot directores sira, dalaruma dehan katak osan ida ne’e liu tia ita bele halo tiha, sosa osan sei sisa (restu) nia hotu mak ita tenki rekonhese,” hateten Xefe Governu ne’e, horseik iha serimonia tomada de posse ba director nasionál no Xefe departementu inspeksaun jeral estadu.
Nia husu bá inspektores jeral estadu para halo auditoria ba servisu membru governu no diretores hotu, ezemplo hanesan vinte mill dolares, halo CPV muda ba vinte cinco mill dolares, depois hetan tiha sinco mill dolares ne’e tama fila fali, laos deit balun hanoin katak ajensia dezenvolvimentu nasional ladiak, maibe ajensia atu kuriji buat barak iha Ministeriu.
“Ita sociedade Timorense, ita ne’ebé agora iha kna’ar atu serve povu, tenki rekonhese ida ne’e, katak buat ida naran korupsaun ne’e iha,” PM Xanana deklara. “Ita boot sira hanesan investigador lalika tauk, ba nafatin oin kaer ita nia servisu, lalika sente ita bo’ot sira manan dua ratus mai investiga enam ratus tauk, lae, Imi kumpri dever ida halo auditoriu husi ministeriu hotu-hotu.
Agora dadaun governu iha ona investigadores nain 60, 20 husi Polisia Nasionál Timor Leste (PNTL) no 40 husi funsionariu Publiku tuir hela formasaun konaba investigasaun no auditoria iha sentru juridika, atu aumenta liu tan kapasidade no esperensia Xefe Governu Xanana husu bá AUSAID atu apoiu fo kapasitasaun.
Wainhira investigadores hirak ne’e prontu ona husi kapasitasaun ne’ebé mak hetan, mak estadu sei aloka hotu bá instituisaun relevante hanesan Komisaun Anti Korupsaun no Inspetor Jeral Estadu (IJE) para aforsa liu tan sistema hodi identifika ema ne’ebé mak liman naruk.
“Ita nia rain tenki sai diak, atu nune’e ita nia povu bele hatene katak ita hakarak hadi’a duni ita nia nasaun ne’e,” dehan PM.*(uly)*
.
5 comentários:
oras too ona para investigador sira servisu diak atu hapara ema sira halo korrupsaun.
Hau hein funsionariu estadu foun sira nee sei kumpre sira nia dever ho profisionalismo e rona didiak PM Xanana koalia katak sira labele tauk investiga se deit.
Ita hein hare.
Importante para seluk labele hatene aproveita deit, se lae ema liman naruk sira bele hariku nia-an, mas tenke tau prattika labele koalia deit..!!
korupsaun ha Timorsei buras nafatin tamba governo laiha knar atu proteja ou halakon korupsaun tamba bot sira hotu halo korusaun nebe atu kaer los s?KAK nebe tuir lolos independensia maibe ate agora laiha knar
komesa ukun an 2002 sdauk ha lideransa nebe lori b tribunal tamba kaju korupsi n hatudu krk problema korupsaun ha posisaun nebe susar
korupsaun ha Timorsei buras nafatin tamba governo laiha knar atu proteja ou halakon korupsaun tamba bot sira hotu halo korusaun nebe atu kaer los s?KAK nebe tuir lolos independensia maibe ate agora laiha knar
komesa ukun an 2002 sdauk ha lideransa nebe lori b tribunal tamba kaju korupsi n hatudu krk problema korupsaun ha posisaun nebe susar
Ne sr. Primeiru Ministru kolia bosok deit hanessan mos uluk koalia ba ba militares sira no haruka sira sai hosi kartel no halo sai petisionarios, no tuir fali halo mos ba Alfredo Reinado dehan emi halo hanesan ne mak hau bele representa imi, ba Major Alfredo dehan iha AIleu, katak: kilat imi entrega ba malae tropa austalia liu tiha loron 2 ka 3 sei entrega fali ba imi, depois hateten ba malae sira katak Major Alfredo sei entrega kilak no sei hatan ba justisa. Maibe hosi kotok nia haruka Major Alfredo ba fali hamutu ho petisionarios sira iha ermera". Tuir hau nia hare katak maski ema hanesan sr Lasama nebe uluk fiar mate ba sr Xanana horas ne laran mos malirin tiha ona nia rasik hateten katak sai tristi ha AMP nia governu, parese Sr Xanana halo nia hanesan mos ba Major Alfredo no petisionarios sira e nia diak hela, hateten tan katak Major Alfredo beikten nos agora jovens sira hare ona se mak lakoi sumi bele tuir mos Major Alfredo tanba oras ne ba Santa Cruz.
Husu ba halo investigasaun ba KKN ne buat ida nebe halo beibeik ona, maibe saida mak seidauk halo mak: BAINHIRA INVESTIGASAUN KONFIRMA ONA SEI HATO'O IHA TRIBUNAL NO SEI HETAN TEMPU IHA KADEIA BEKORA KA LAE?
Enviar um comentário