Husi: Manuel da Silva - Timor Post - Sesta, 24 Juñu 2011
Dili - Tribunal Rekursu hasai ona desizaun hodi indefere (La legaliza) FRETILIN Mudansa atu sai Partidu Politiku iha Timor Leste.
Tribunal Rekursu la legaliza FRETILIN Mudanca sai nu’udar Partidu Politika tanba atributu FRETILIN Mudanca hanesan ho partidu FRETILIN nian, ne’ebe bel halo konfuzaun militante no simpatizante bainhira tuir votasaun.
Tuir lei no 3/2004, kona ba partidu politiku nia katak, partidu politiku ida labele iha simbolu ka emblema hanesan ho partidu politiku seluk,” dehan Jose Manuel soares, Ofisial Justisa Tribunal Rekursu.
Ne’e duni, agora ba oin grupo FRETILIN Mudansa seidauk legal atu sai partidu politiku no laiha direitu atu kompete ho partidu politiku sira seluk iha eleisaun lezislativa 2012 oin mai.
Nune’e Prezidente Tribunal Rekursu, Claudio Ximenes hatete, desizaun ne’e foti iha loron (21/06) hafoin halo hotu nia prosesu.
“Hau fo tiha ona desizaun,” dehan Claudio ho lia fuan badak ba jornalista sira bainhira halo enkontru ho Prezidente Republika, iha Palacio Prezidente Ai Tarak Laran, foin lalais ne’e.
Maski nune’e, FRETILIN Mudanca sei iha oportunidade atu sai nafatin partidu politiku bainhira sira troka atributu ne’ebe hanesan bandeira FRETILIN nia, FRETILIN Mudansa hatama sira nia inskrisaun ba Tribunal Rekursu iha loron (3/5) no tribunal Rekursu foin hasai desizaun iha loron (21/6), maibe desizaun ne’e la tama apoia ba grupo FRETILIN Mudanca.
.
3 comentários:
Bem Feito,
Well Done,
Ida Nee Maka Diak Loos.
FM = FORUM MILISIA
ENFELIZMENTE MALUK FRETILIN MUDANCA TO'O IKUS TENGUE LULUN SIRA NIA BITI DUNI.. IHA MUNDU EDUKASAUN, KUANDU EM SIRA NE'EBE GOSTA DEIT ATU KOPIA EMA SELUK NIA SERBISU EMA FO TITULU, PLAGIARISTA (PLAGIARIST,NO NIA KASTIGU MAK EMA SIRA NE'E UNIVERSIDADE SEI HASAI SIRA HUSI UNIVERSIDADE,,, NO HANESAN MOS MALUK SIRA NE'EBE IHA FRETILIN MUDANSA KONSIDERADU HANESAN EMA PAGIARISTA NO TENGUE HASAI SIRA TANBA SIRA GOSTA KOPIA DEIT PARTIDU SELUK NIAN SERBISU.,, FRETILIN NIAN EMA BALU IHA DISTRITU NE'EBE DURANTE NE'E IBUN BOOT LOS IHA DISTRITU KOMESA FUAN FEKIT MAKAS LOS,, TANBA LA IHA ONA DALA SELUK ATU BOSOK TUN SAE POVU IHA DISTRITU,,,
Ida nee decisaun tribunal enflizmente FM tenke simu duni,tenke hatudu duni aten brani simu, la bele hanesan fali "Pertelin" sira la iha aten brani atu simu decizaun sira, i halo manoras tun sae kuando decizaun mai mak la tuir buat nebe sira espera.
Sei iha dalan seluk hodi bele hadiah simblo sira ne ou fo imi nia votus ba partidu seluk,importante mak spiritu FRETELIN Movimento buras nafatin.
Enviar um comentário