UNPOL Laiha Vontade Servisu Ho PNTL Distritu

.

Josefa Parada - Kinta, 16 Junhu 2011 - SUARA TIMOR LOROSAE

DILI—Komando Jeral Polisia Nasional Timor Leste (PNTL), liu husi Gabineti Inspesaun Jeral tu’un ba iha baze hare deretamente servisu polisia iha Distritu, hatudu katak United Natios Police laiha vontade diak atu servisu hamutuk ho PNTL.

Liu husi relatoriu ekipa Auditoriu PNTL nia hato ba iha Komandante Jeral PNTL, Komisariu Longuinhos Monteiro katak, iha Distritu balun membru UNPOL lakopera ho membru PNTL, ne’eduni defilkuta servisu PNTL iha baze.

“Membru UNPOL sira ne’ebe sai asesor ba PNTL iha Distritu laiha kordenasaun diak, hanesan bainhira sira servisu iha officer halo moris jenerator, bainhira sira fila halo mate Jenerator, ida ne’e hatudu katak koperasaun UNPOL ho PNTL ladiak,” hatete Komisariu, Longuinhos Monteiro, liu husi nia deskursu iha Aula, PNTL, Kaikoli, Dili, Kuarta (15/6).

Nee’duni iha oportunidade ida ne’e, Komisariu hato kedas asuntu ne’e ba Komisariu UNPOL, Luis Carilho, bazea ba dadus ne’ebe mai husi Ekipa Auditoriu. Ne’emos nia husu ba iha Komisariu UNPOL, oinsa atu hare no mos hola medidas ba asuntu ida ne’e.

Ekipa Auditoriu hahu halao nia knar ba iha Distritu 13 no Sub Distritu 66 iha teritoriu laran tomak hahu husi 2 Maiu no finalize iha loron 9 Junho 2011. Oscar Salsinha

.