Ramos Horta Husu PM Xanana Aprezenta PEDN ba PN

.

Husi: Manuel da Silva - Jornal Independente - Kinta, 02 Juñu 2011

Dili-“Prezidente da Republika Jose Ramos Horta husu Primeiru Ministru Kay Rala Xanana Gusmao atu aprezenta Planu Estratejia Dezenvolvimentu Nasional (PEDN) ba Parlamentu molok mandatu Governu remta iha 2012.

“Hau espera governu book an para PEDN ne’e ba Parlamentu Nasional,”dehan Horta foin lalais ne’e.

Horta dehan, bainhira planu ne’e to’o iha PN tenki aprova ho votus maioria atu nune’e governu ne’ebe deit bele ezekuta.

“Parlamentu aprova unanimidade iha 2011, ne’e para governu foun mai 2012 labele hein tan fali planu ida foun mai hahu kaer dokumentus ne’e no buka implementa deit,”dehan Horta.

Xefe estado Rekonhese planu balun ezekuta dadaun hanesan investimentu ba eletrisidade maibe PEDN tenki formaliza iha PN.

Planu ne’e labele sura tahan oan ida deit, tenki hahu ezekusaun,”dehan Xefe Estadu.

Iha parte seluk PM Xanana Gusmao hateten, ba INDEPENDENTE foin lalais iha Portu Dili katak, nia parte iha tempu besik sei lori PEDN ba Parlamentu atu bele deskute no aprova.

.