Rai Prometida Fatuberliu: Eletrisidade mate ona fulan ida!

.

HUSSI  JOÃOZITO VIANA

Rai tetuk Fatuberliu iha Costa Sul hatudu nia potensiliadade hodi halo produsaun agrikultura maske agora barak mak abandonado tanba laiha irigasaun.

Fatuberliu ne’ebe baliza ho Betano murak no matak tebtebes, ho nia povu simpático no simples hatudu mai hau ninia simplesidade ne’ebe reprezenta povu área remotas iha Timor laran tomak.

Rai Fatuberliu ho habitantes hamutuk rihun 6,932 ne’ebe moris ho vida argrikultura komesa hasoru krize aihan tanba mudansa klimatika, produsaun aihan menus, fos MTCI mak karun ba beibeik, eletrisidade mak mate kuaze fulan ida ona, no komesa preokupa ho sirania reprezentante sira (Fatuberliu-oan) ne’ebe iha Parlamento Nasional nunka mais halo vizita.

Ejijensia Fatuberliu?

Bainhira halo enkontro ho autoridades lokal, igreza, estudante no komunidade Sub-distrito Fatuberliu, Distrito Manufahi durante loron tomak iha dia 27 de Junho 2011 deskobre problema lubun ne’ebe sempre hanesan ho fatin no distrito seluk mak ami vizita durante ne’e. Komunidade sira ejiji katak:

1 - Governu presiza hadia kontinua rehabilita no kanaliza beemos husi projeto Pakote Referendum nian ne’ebe halo ona iha Tinan 2009 maibe lakonsege produs beemos ba povu Fatuberliu.

2 - Komunidade ejiji katak presiza intervensaun MTCI sobre fos ne’ebe mak karun ba beibeik.

3 - Veteranus sira husu para halo pagamentu ba veteranus no antigos combatentes.

4 - Husu para hadia lalais eletrisidade ne’ebe mate ona durante fulan ida.

5 - Hadia estrada mak liga entre Betano no Fatuberliu nune’e bele hatun folin transporte publiku.

Komunidade sira aprezenta mos katak sira iha reprezentante lubun ida iha Parlamento Nasional (kuaze nain hat) maibe durante ne’e la halo vizita hodi rona sira nia preokupasaun no halerik iha baze.

Sira mos komesa lakon fiar ba sira nia reprezentante iha uma fukun Parlamento Nasional, sira komesa lakon konfiansa ba kapasidade governu nian hodi hadia povu nia moris.

Perguntas mak ne’e, sei povu komesa lakon konfiansa ba beibeik ba iha nia lideransa rai ne’e, se los mak iha responsabilidade hodi liberta povu husi kiak no mukit?

Obrigado wain!

.