PR Horta Preukupa Uma 5 Nebe Governu Hari

.

Josefa Parada - Sesta, 24 Junhu 2011 - SUARA TIMOR LOROSAE

DILI- Prezidenti Republika (PR) Jose Ramos Horta preukupa planu governu hari uma lima (5) kada aldeia iha Timor Leste laran tomak, sei defisil atu bele realija iha tinan ida ne’e.

Governu iha planu no vijaun ida ne’ebe diak, atu harii uma 11mill no uma ida sei han osan 5 mill dollar America ho total orsamentu 50 milloens dollar liu, tuir Xefe estadu Horta dehan defisil tanba Sekretariu Estadu Dezastre Naturais Jacinto Rigoberto informak ba nia katak sei hasoru problema boot.

“Sekretariu esplika dala barak iha aldeia defisil atu hetan consensus atu halo uma sira ne’e iha ne’eba,ba se los? tanba prioridade ba sira ne’ebe kiak rabat rai los ,”dehan Horta iha Palacio Prezidenti Nicolau Lobato foin lalais ne’e.

Xefe Estadu sujere atu governu halo tuir saida mak nia halo osan fundu sosiadade sivil hamutuk milaun ida iha gabineti PR nia okos ne’ebe realija servisu hamutuk ho Xefe Suku nop Xefe Aldeia hodi bele realija.

Antes ne’e, Direitur Ajensia Nasional Dezenvolvimentu (AND) Daniel Marçal hatete, tender internasional atu harii uma lima kada aldeia governu loke ona no hein kompainha bele konkore hodi harii uma hamutuk rihun 11 liu iha teritori TL tomak.

Presidente Parlamentu Nasional, Fernando La Sama de Araujo husu Governu atu halo kordenasaun diak atu implementa uma lima ba kada Aldeia iha teritoriu Timor laran tomak. Terezinha da Costa

.