PD Afirma, “FRETILIN Movimentu Ema Hotu Nian”

.

Jornal Nacioál Diário - Sesta, 10 Juñu 2011

Dili- Partidu Demokratika (PD) deklara katak, FRETILIN movimentu ema hotu nia, tanba ne’e laiha razaun atu bandu partidu atu hari’i “Movimentu de Libertasaun Nacional FRETILIN’.

“FRETILIN ida Partidu ne’e Sr. Marí Alkatiri nian duni, maibe FRETILIN ida movimentu ne’e ita hotu nian, ita hotu uluk halo parte movimentu ne’e hodi funu ba ukun rasik an, tanba ne’e Sr. Marí Alkatiri laiha direitu atu reklama ba an mesak,” hateten Jose Nominando Buras nudar

Vice Prezidente PD liu husi komunikadu imprensa ne’ebé redasaun Diário simu Kinta (9/6) horsehik.

Husi karta komunikadu ne’e Vice Presidente PD, Jose Buras hodi responde deklarasaun Sekretariu Jeral Partidu FRETILIN (Sekjer), Marí Alkatiri katak, “PD laiha moral politika temi FRETILIN nia naran hodi halo politika baratu” relasiona PD atu harii Movimentu Nacional da

Libertasaun ne’ebé Prezidente Lasama promote ba komunidade iha Lakluta liu husi konsolidasaun semana hirak liu ba.

Koalia Jose Nominando Buras katak, PD iha konsiderasaun boot ba FRETILIN nudar Movimentu Libertasaun Nacional, FRETILIN nudar Partidu PD la preokupa, maibe PD preokupa mak FRETILIN ida nudar mivimentu ba Libertasaun Nasional.

Tamba ne’e nia dehan, liu husi konsolidasaun iha semana hirak liu ba iha Lakluta, Prezidente PD, La Sama promote ba komunidade iha fatin refere sei hari movimentu de Libertasaun Nacional FRETILIN kuandu PD manan iha elisaun 2012.

Ba kestaun refere lideransa ne’e husu atu povu Timor Leste tomak atu labele influensiadu ba diferensia opiniaun entre Politiku sira,”Hau apela ba povu tomak atu labele influensia ba diferensia opiniaun entre politiku sira ninia nanal baku malu iha leten, ne’e PD nudar partidu dame husi husu povu Timor Leste tomak atu hadomi malu,” tenik Jose.alf

.