Husi Manuel da Silva - Jornal Independente - Sesta, 10 Juñu 2011
Dili- Presidente Partidu Demokratiku (PD) dezanima (kecewa) tebes hamutuk ho Partidu koligasaun Aliansa Maioria Parlamentar (AMP) hodi kaer ukun.
Tanba durante tinan haat (4) nia laran AMP ukun la fó rejultadu di’ak ba povu nia moris, no buat barak mak faila.
Eis Xefe RENETIL ne’e preukupa liu konaba problema edukasaun ne’ebé durante tinan haat nia laran koligasaun AMP la konsege tejolve, hanesan falta kadeira meja no edifisiu ba eskola ne’ebé kontinua aat.
“Hanesan edukasaun ha’u sente frustasi tanba ha’u la’o to’o iha Oecuse to’o Lakuluta problema meja sei nafatin hela deit,” Ha’u lao ba Oeuse labarik sei eskola iha aihun,” dehan Prezidenti PD Fernando Lasama de Araujo iha konférensia da imprensa horseik, relasiona ho aniversariu PD bad ala X (10) aban.
Ambisaun Politika halo ema seluk nia hanoin muda lalais, Lideransa Partidu iha koligasaun AMP komesa duun malu, hafuhu malu, kesar malu, kontrola malu hodi hateten sai ba povu katak Governasaun AMP ‘faila’. Politiku sira sempre halo konfuzaun iha povu nia oin.
Maibé politiku balun laiha neon katak kriasaun governasaun AMP ne’e responsablidade partidu tomak nian ne’ebé kompoetu husi CNRT, PD, ASDT, PSD no partidu kiik sira seluk atu rejolve.
Hanesan reasaun husi Primeiru Ministru Xanana Gusmão mos, durante sosializasaun PEDN, PM Xanana kritika maka’as no foin rekoñese koligasaun AMP la fó posiblidade atu ukun povu ho hakmatek, PM Xanana mos hateten hakarak ukun mesak iha eleisaun 2012 oin mai.
Entertantu Lasama nudar Prezidente PN, hakilar bebeik katak, “Hau husu bebeik, dehan, iha osan ema atu halo konstrusaun nusa mak atrazu bebeik, ne’e la’os politika maibé moral husi konsensia pesoal ha’u nia laran triste ba situasaun ida ne’e,” dehan Lasama.
“Lasama hatutan, Failla Estrada ita seidauk hadia, falta tinan ida de’it, ha’u hakarak hateten ezekutivu haka’as an iha tinan ida hadia la’os iha kontekstu politiku mais hadia ho responsablidade moral para konstrusaun estadu,” dehan Lasama.
Failansu sira ne’e akontese, tuir Lasama ne’e konsekuensia husi governu aliadu tanba la foti desizaun mesak.
Tanba ne’e, Lasama Promete bainhira PD manan maioria iha eleisaun Jeral 2012, hau hakarak hatete, estadu ne’e iha osan, se PD mak iha kbi’it no hola desizaun mesak, iha tinan ida nia laran eskola iha Timor laran PD hadi’a i kadeira sira ne’ebé iha Timor laran laiha,lor-loron ami hakilar malu to’o estres tiha PD bele rezolve iha tinan ida nia laran,” dehan Lasama.
.
6 comentários:
Nu'udar timor oan hau husu sr. Presidente PD honestidade koalia lolos ba povu tanto povo barak laos PD maibe nudar timor oan sira iha direito atu koalia realidade. sr. presidente nudar ema luta nain halo politika ho aten boot katak ida nebe governo halo la los dehan ne'e lalos no ida nebe mk los katak nee los. tamba sa politika laos estatiko(statis) maibe politika nee dinamiku.
No!..no!.. Mr. Lasama, get over it and move on, stop blaming the AMP government. It is the goverment that you went to bed with to screw up the most voted party! FRETILIN! You know what Mr. Lasama there is a saying “if you sleep with dogs you’ll wake up with fleas”
Notisia nee la analiza loloos Presidente Lasama nia liafuan sira nee.
Ita haree klaru Presidente Lasama hahu prepara ona kondisaun ba ministru balu oras daudaun tur iha governu nee sai para fo fatin ba ministru PD nian barak tan.
Lideransa PD hatene CNRT sei manan e PD mos sei aumenta nia numero. Neduni lideransa PD hatene governu 2012 sei forma ho koligasaun CNRT/PD e agora sira komesa soe ona kritika ba ministru sira nebe oras daudaun la hun la dikin para too ikus sei haruka sira sai hodi fo fatin ba ministru hosi PD.
Analiza nee mak loos.
Lasama lalika bosok povo,s hakarak Timor lao b oin,edukasaun diak nusa komesa tinan 2007 halo plano nebe mak diak.
agora atu remata mak koalia dhn 2012 s ukun atu halo diak,ida kampanya fali ona, ema beik mak fiar, LAsama nia ema agora Partidu PD korupsi mak barak.
nebe hare Lasama ho PD prepara an ona????
hw mos aseita maluk Anónimo ho Moniz nia hanoin mas diak liu mos prepara didiak tamba parese elisaun 2012 laiha maioria absoluta karik, tamba nee iha partidu balun hakarak halo kolegasaun karik tenke hahu ona hak besik se lae hanesan iha 2007 ne'e iha presisa hanoin neotru oituan,tamba karik partidu balun iha nia programa kuase hanesan partido.....?? diak liu hakbesik sira ona..!!
PD sira ne'e sei la manan tanba ne'e mak sira koalia ho nanal sakat: ohin dehan sira la kontenti ho Xanana, aban dehan koalia ona ho xana para ukun hamutuk.
Enviar um comentário