“Koto Saka 30 Ular Sae, Estudante Han Modotahan”

.

Timor Post - Tersa, 28 Juñu 2011

Dili - Koto saka 30 ular sa’e, halo estudante sira tenkiser han modo tahan nebe sosa husi profesores sira.

Direktor da eskola primaria publiku [EPP] NO. 5 comoro Domingos Bareto,ba timor post segunda [27/6] informa,koto ne’ebe ME[Ministeriu Edukasaun] oferese ba eskola,kuaze la uza total tamba nakonu ho ular.

"Tama fulan 6 koto la uza tamba koto karun 30 aat hotu,bainhira tein tau iha bee manas ular komesa sai,ne’ebe ami hapara,no ha’u mos telfone kedas World food programme (WFP) hodi hare,” Domingos dehan.

EPP no 5 Comoro Consume simu merenda eskolar, fos sakas 1077, koto saka 30, mina kaixa 68, no masin ba estudante 1042.

Kozinheiru La Simu Osan

Kozinheiru hamutuk nain 8 kompostu husi mane 2 no feto nain 6 ne’ebe tein merenda eskolar Primaria Publiku (EPP) no. 5 Comoro, la simu salariu husi Ministeriu Edukasaun (ME) durante fulan 6 ona, hahu husi Janeiro to’o ohin loron.

Ana Paula Freitas kozinheira ida hateten, durante fulan 6 ona seidauk simu salariu maske sira aktivu sira nia servisu, salariu ne’ebe mak sira iha direitu fulan ida simu U$50,” hau araska tebes tanba hau mos iha oan barak mak eskola ne’ebe lori saida maka hare oan sira, se bainhira la fo bebeik ami nia direitu,” afirma Ana Paula da Silva baDiariu Timor Post, segunda (27/6)iha nia servisu fatin EPP No.5 Comoro.(Jac)

.