Komunidade Suku Bauro Ameasa Sobu PDD

.

Husi: Mauricio Cristovao - Jornal Independente - Sesta,10 Juñu 2011

Lautem-“Komunidade sira iha Bauro, Sub Distritu Lospalos, Lautem, kuaze uma kain 165, tuir planu iha tempu badak nia laran sei halo asaun konjunta hodi sobu ptojeitu Pakote Dezenvolvimentu Desentralizasaun (PDD) ba sistema bee mos dahuluk ne’ebe mak governu implementa iha iha tinan 2010, iha sira nia suku laran.

Rajaun refere, tamba projeitu ne’e to’o agora laiha rejultadu, Chefe Suku Bauro, Sidalia Freitas dehan.

“Projeitu PDD ne’e to’o agora laiha tejultadu, nia mos haktuir projeitu bee mos ne’ebé kaer husi kompania OM Brother seidauk oferese bee ruma ba ninia populasaun sira.

Tanba ne’e sidolia dehan, ninia populasaun barak mak konkorda ona hodi asaun ida ne’e, hodi sobu projeitu ne’e.

“To’o ohin loron projeitu bee mos ne’e hotu tiha ona mais hau nia komunidade rasik laiha asesu ba bee mos,” Xefe Suku hateten ba INDEPENDENTE foin dadauk.

“Projeitu ne’e diak liu sobu deit tanba governu gasta osan saugate deit,” Sidalio dehan.

Nia dehan kompania OM Brother hateten ba nia katak bee mos seidauk iha tanba kapasidade eletrisidade governu nia mak la to’o.

“Depende ba kompania ne’ebe kaer projeitu OM Brother katak teknikamente enerjia eletrisidade mak la favoreze para bee ne’e bele sa’e,” dehan nia.

Sidalio mos informa, nia parte informa dala barak ona ba ulun boot sira iha nivel distritu no nasionál maibe laiha rejultadu.

.