Husi: Agapito dos Santos - Jornal Independente - Segunda, 27 Juñu 2011
Dili - Komunidade Bebonuk, Suku Komoro, Sub Distritu Don Aleixo husu ba Governu atu hadi’a Estrada públika diresaun mikrolete 09 ninian tanba, kondisaun grave hodi difikuluta movimentu transporte públiku.
Jony Salsinha, komunidade Bebonuk, husu ba Governu atu aloka orsamentu estadu tinan 2011 hodi hadia Estrada, tanba kondisaun Estrada at no kuak hodi difikula movimentu transporte publiku atu halo operasaun liu husi fatin ne’eba.
Nia dehan, kondisaun Estrada grave hanesan Estrada kuak, balun kuaze sentimu 50 liu, alende ne’e, rai rahun kuandu transporteliu hamosu RAI rahun no difikuluta movumentu transporte liu husi fatin ne’eba.
“Husu governu atu aloka mos orsamentu balun hodi hadia Estrada ne’e,” tanba impaktu husi Estrada ne’ebe la diak mak mikrolet 09 ida deit mak halo operasaun iha dirasaun ne’e tanba, ema tauk ho kondisaun estrada,” dehan Jony.
Nia mos salient katak, kondisaun Estrada ne’ebe grave sei hamosu moras ba sira tanba, kuandu transporte liu hamosu rai rahun.
“Tempu bai loron, ami tenke rega bebeik see lae maka rai rahun tama to’o kuartu laran.
Nune’e, Acasio soares hateten, governu tenke haree kompania ne’ebe iha kualidade tamba, see la’e hadia loron ida semana ida komesa aat hikas ona.
“Governu tenki fihir kompania ne’ebe diak se lae hadia loron ida aban nakloke fali ona hanesan oras ne’e, maske foin halo reabilitasaun maibe aat fali ona,” dehan nia.
.
0 comentários:
Enviar um comentário