Indonézia sira estraga tiha instalasaun fotovoltaika iha Pasabe, iha fronteira

.

Sapo.tl - 22 de Junho de 2011

Instalasaun enerjia fotovoltaika ida ne´ebé mak harii tiha iha Pasabe, Oecusse, husi Governu timorense, ba abrigu programa ne´e husi eletrifikasaun rurál, ne´ebé mak estraga tiha husi grupu indonézia, fonte diplomátika ohin fó sai.

Hahalok sabotajen nian ne´e, tuir fonte ne´ebé hanesan husi diplomasia timorense, buat ne´e relasiona ho disputa fronteira nian iha rejiaun, maske fatin ne´e seidauk sai hanesan pontu ne´ebé nakloke ba negosiasun hirak ne´ebé hala´o entre nasaun rua ne´e, atu delimitasaun fronteira ne´ebé komum.

Tuir fonte ne´e rasik "la iha kulaker dezentendimentu ruma entre governu Timor-Leste nó governu Indonézia" ba iha fatin refere, hanesan mó fatin ne´ebé trasa tiha ona husi fronteira ne´ebé mak defini tiha ona husi komisaun téknika konjunta, maibé populasaun husi parte sorin indonézia seidauk esklarese didiak, karik ida ne´e mak hodi akontese insidente ne´e.

Aumentu ba tensaun iha zona ne´ebé konfirma iha notisia ida ne´ebé publika husi Jakarta Post, hahu husi Kupang, fó sai katak"moradores atus(husi aldeia Haumeni Ana nian, distritu Bikomi Nilulat) sira koko hela iha loron rua ikus mai ne´e atu para instalasaun rede eletrisidade nian ho enerjia solar husi país viziñu, iha área ida ne´ebé ho hektar 80 ne´ebé disputa hela".

"Residente hirak ne´ebé iha indonézia mak sira hela iha fronteira, sira siak maka´as tanba fatin ne´e tenke livre husi atividade sivil nian, tanba fatin refere sei hadau malu hela", deklara ba Jakarta Post vise-rejente Aloysius Kobes, hafoin hala´o vizita ba área ne´e, ne´ebé mak akompaña husi komandante Unidade Seguransa Fronteira nian, Ricky Lumintang, nó husi vise-xefe polísia.

Aloysius Kobes dehan ba jornál australianu katak nia sei husu ba Governu Timor-Leste atu hapara tiha instalasaun enerjia nian iha rai ketan atu nune´e hodi evita eskala konflitu nian, enkuantu Ricky Lumitang fó sai katak nia sei tuur hamutuk ho komandante polísia fronteira Timor-Leste nian atu sira bele foti desizaun ruma ho lalais hapara insidente hirak ne´e.

.