Estudante Timor Oan Iha Kuba Kontinua Preokupa ho Transferensia Subsidiu Governu

.

Written by Hery Moon/CJITL Cuba - Friday, 10 June 2011

CJITL Kuba, Tamba transferencia orsamento tarde, halo estudante Timor oan iha cuba sentí la satisfeito ho servico Ministerio Saude nian maske tuir konfirmasaun loron rua liu ba katak Ministeriu ne'e rasik halo ona transferensia ba fulan ne'en nian.

Sexta Feira semana neé, estudante ho naran bolu, “Baino” haktuir ba CJITL online katak proceso transferencia orsamento ba estudante iha cuba tinan-tinan sempre tarde, maske dala barak estudante sira halo proposta oi-oin ba guverno liu husi embaixada Timor nian iha kuba, hodi husu atu aselera proceso pagamento tuir tempo nebe maka guverno determina ona.

Baino konfesa liutan katak ho atrazo pagamento ida neé fo obstáculo boót tebes ba estudante hot-hotu atu bele responde sira nia necesidade tanto primario nuneé mos secundario.

Noilay representa femenino nian opina mos relacionado ho asuntu ida neé, nia sentí descontenti ho servico nai ulun sira, liliu husi parte Ministerio saude nebe nudar responsavel ba proceso transferencia orsamento nian.

Ami nudar feto ne'ebe moris dok husi inan aman no familia sentí triste tebes wainhira husi parte guverno nian la fo importancia makaas ba proceso ida neé, tamba imi hatene katak ami nudar feto ninia necesidade barak tebes, devescuando ami tenki dezenraska husu impresta osan tun sae husi belun nacionalidade seluk para bele hola sasan nebe maka ami presija, dehan Noilay.

Liutan katak husu ba Ministerio Saude atu tau mos konsiderasaun kona ba asuntu ida neé no buka manera oinsa, atu bele aselera lalais proceso haruka osan nian ba cuba, tamba tinan-tinan estundante iha cuba sempre sofre hela deit. (Herry Moon/CJITL Kuba)

.