Emilia Pires Rekhonese Iregularidade Nakonu Iha Governasaun

.

Timor Post - Kinta, 09 Juñu 2011

Dili- Iha serimonia tomada de posse ba director nasionál no Chefe departementu inspeksaun jeral estadu, horseik (08/06), Ministra Finanças Emilia Pires rekonhese, durante ne’e iregularidade nakonu iha governasaun nia laran, tanba ne’e mak auditoria ni inspector atu halao servisu tuir kna’ar nudar estadu no povu nia ema.

“Husu ba Inspektor Jerál Estadu atu halo investigasaun bá kazu irregularidade barak ne’ebé hahú buras maka’as iha servisu administrasaun governu nian,” dehan Emilia Pires.

Iha fatin hanesan, Ministra Finansas Emilia Pires husu atu sira ne’ebé simu posse atu servisu maka’as kontrola orsamentu no luta kontrola KKN iha nível hotu ne’ebé hetan alegasaun iha governu nia laran.

“Imi tenke servisu maka’as kontrola orsamentu no luta kontrola KKN no investiga kazu alegasaun ne’ebé mosu iha Governu nia laran.

Nia dehan, diresaun nasionál tezoriu ne’ebé halo regista no orsamentu diresaun ne’e iha responsablidade bo’ot atu halo pagamentu ne’ebé aumenta boot.

Juramentu ne’e halao liu husi juramentu ne’ebé prezidi husi padre Mouzinho Lopes hanesan sasin bá juramentu husi kna’ar ne’ebé simu.

.