Timor Post - Kinta, 09 Juñu 2011
Dili- Komunidade Estranjeiru, oras ne’e dadaun kontinua domina iha área estratejia hodi dezenvolve ekonomia iha rai laran, tanba ne’e husu governu atu halo estratejia dezenvolvimentu ekonomia ne’ebé di’ak hodi tulun povu Timor Leste hodi compete ho negosiante estranjeiru sira.
Haktuir Xefe Suco interino Sebatiao Z. X de Jesus ba Jornal Timor Post iha segunda feira (07 06) hateten katak “Agora dadaun ami nu’udar autoridade local nia hare, domina liu iha merkado ne’e mak Xina, maioria iha Suku Comoro nia laran ne’e kios fali, fa’an buat sira seluk, sira (Xina-red)
de’it maka dumina.
Tanba ne’e estadu mos tenki hare, molok fo lisensa ba bisnismen sira, no sira tenki iha fundu capital boot, tanba sira loke kios kiik inderetamente sira hamate fali negosiu ki’ik husi Timor oan, tuir lolos sira husi liur, mai para fó servisu bá ema Timor oan laos sira mai para halo mate.
Dominasaun estranjeiru forsa liu tan, iha setores estratejiku sira ne’ebé hanesan, finansiamentu, merkadoria, no energia telekomunikasaun.
Ho dominasaun hirak ne’e dala barak halo populasaun sira laran susar tanba la iha fatin no la iha kualidade atu Kompete ho ema rai liur. *(Ano)*
.
0 comentários:
Enviar um comentário