CNRT Moris Atu Hametin Paz ba Joven Sira

.

Written by Domingos Silva - Monday, 27 June 2011

CJITL Eleisaun, Partidu CNRT moris atu hametin Paz no Estabilidade hodi halibur Joventude sira iha Nasaun ida ne'e.

Prezidente Partidu Kongresu Nasional Rekonstrusaun Timor Leste-CNRT Kay Xanana Gusmão hateten katak espiritu CNRT maka hodi halibur ema hotu, hametin estrutura no hametin paz ba joventude sira.

“Partidu CNRT nia objektivu katak halibur ema hotu, hametin estrutura no hametin paz ba joventude sira,tanba ida ne’e maka partidu CNRT bele lori to’o ohin loron”dehan Xanana Sabdu 25/6, wainhira halo konsolidasaun iha Manleuana, Comoro Dili.

Nia Hatutan katak Juventude Partidu CNRT lalika buka problema ho ema, no lalika kria violensia,no lalika mete problema ne’ebé maka iha, no labele buka problema ho partidu seluk.

“Hau apresia tebes ho povu Timor Leste tanba ita rasik maka kontribui duni ba nasaun foun ida ne’e hodi harii estabilidade tanba estabilidade iha ita nia nasaun kuaze diak liu ho nasaun sira seluk ne’ebé maka ukun a'an durante tinan nennulu(60) ba leten, maibe to’o agora estabilidade sei dauk lao ho diak hanesan ita nia rain ” Informa Xanana.(Domingos da Silva/CJITL)

.