Husi: Agus dos Santos - Jornal Independente - Kinta, 09 Juñu 2011
Dili- Bancada Parlamentar ASDT no CNRT apresia prosesu demokrasia ne’ebé Partidu istoriku FRETILIN halo liu husi elisaun direta ba lideransa Partidu nian, maibe sira mos husu atu iha pakote seluk hodi compete ho pakote Marí Alkatiri no Francisco Guterres ‘Lu-Olo’ ba kargu Sekretariu Jeral no Presidente Partidu nian.
Xefe Bancada ASDT deputadu Alberto da Silva Cruz hatete kualker partidu ne’ebé deit iha ninia estatutu rasik nebe fo dalan ba kualker lideransa iha partidu laran hodi lidera partidu.
Tan ne’e Alberto dehan, espesifika ba Partidu FRETILIN nia dehan Lideransa Marí no Lu-Olo ne’e lideransa husi 1974 nian. Sira sei iha forsa entermus fizika atu bele lori partidu iha periodu oin mai. Informa Alberto ba INDEPENDENTE horsehik iha Parlamentu Nasionál.
Nia hatutan ho prosesu demokrasia ne’ebé FRETILIN halo la fo impaktu ba Partidu sira seluk tamba sistema hirak ne’e hotu atu define nia lejitimidade.
Deputadu CNRT, Pedro da Costa
Entertantu Vice Presidente Bancada CNRT Deputadu Pedro da Costa konsidera situasaun ne’e hanesan tendensia ka dinamika demokrasia iha TL ne’ebé kada partidu politiku sira uza.
Maibe nia dehan kuandu prosesu refere laiha tan pakote seluk mak compete Alkatiri no Lu-Olo entaun konsidera ladauk prinese ka konsidera hanesan demokrasia lolos.
Deputadu FRETILIN, Francisco Branco
Iha Parlamentu Nasional Vice Presidente Bancada FRETILIN Francisco Branco hatete, dadaun ne’e iha pakote ida ne’ebé hetan lista 5000 militante hodi sai pakote ida ne’ebé aprezenta ona ba komisaun organizadora.
Maibá Branco dehan, sei iha tempu atu militante sira aprezenta tan pakote seluk hodi compete ho pakote Alkatiri no Lu-Olo ba kargu sekretariu Jeral no Presiden Partidu FRETILIN.
“Anunsio fo sai ona ba públiku liliu militante sira atu apresenta kandidatu,ne’e demokrasia loke dalan ba ema hotu,” esplika Branco
.
0 comentários:
Enviar um comentário