Brigjen Taur Atu Rezigna Aan

.

Timor Post - Sesta, 10 Juñu 2011

Dili - Maijor Jenerál Falintil-Forsa Defeza Timor Leste (F-FDTL), Taur Matan Ruak sei rezigna aan husi nia kargu iha tempu badak, seidauk iha informasaun klaru kona-ba motive rezigna aan.

Maibe, Komandante Brigaderu Jeneral, Taur Matan Ruak iha aeroportu Internasionál Nicolao Lobatu, Comoro, Dili, Kinta (9/6) hafoin fila husi vizita estranjeiru hateten, to’o oras ne’e sei hala’o servisu normal hanesan Komandante F-FDTL.

Brigadeiru Jeneral Taur Matan Ruak to’o aeroportu ho aviaun Merpati, maizumenus tuku 13:35 otl, simu husi esposa Maria Isabel Ferreira ho oan feto hamutuk ho membru F-FDTL.

Informasaun kona ba planu rezigna an ne’e, espalla ona ba públiku, rona ba mai, Taur Matan Ruak hakarak prepara aan, atu kompete ba kandidatu Prezidente Repúblika periudu 2012-2017.

Tuir fonte ne’ebé kredibel hateten, Komadante Taur nia interese atu rejigna aan hato’o tiha ona ba ema ne’ebé nia fiar iha militar,katak desizaun atu rezigna aan hato’o tiha ona ba ema ne’ebé nia fiar iha militar, katak desizaun atu rejigna aan sei fo sai hafoin fila husi estranjeiru,” maibé, la hateten razaun atu rejigna aan,” ne’e positive ona,”fonte ne’e hateten.

Maske rejeita informasaun ne’e, Komodante Jeral F-FDTL, Brigadeiru Taur Matan Ruak esplika, tuir lei militar, membru militar ne’ebé mak kandidatu bá pozisaun saida de’it, tenki tejigna aan uluk.

Taur hamnasa no hatutan, “Has seidauk tasak ita be ku’u ne’e, ita han matak de’it, hein ba tasak ma khan,”.

Taur Matan Ruak ne’ebé ho naran original José Maria de Vasconchelos, admira ho informasaun ne’e.

“Hau la hatene sira ba matan dook ida ne’ebé karik hodi hateten bá sira? Ida-ne’e Ha’u la-hatene, hau sei halao hau nia servisu normal, ne’e konfiansa ne’ebé estadu Timor fo ba hau, tantu hau seidauk komentariu kona ba Kandidatu ba Prezidente da Repúblika,” nia dehan tan.(ita/tos)

.