Funsionariu AMP Balun Manipula Résibu

.

Husi: Eugenio Pereira - Jornal Independente - Kinta, 09 Juñu 2011

Dili- Primeiru Ministru Kay Rala Xanana Gusmão rekoñese nia funsionariu halo manipulasaun ba sasan folin (recibu falsu), ne’ebé akontese iha Administrasaun Finansa iha Ministerio balun.

Nu’udar Prezidente Komite Revizaun Orsamentu, PM Xanana konese tomak nia diretores no Ministru no Ministra nia hahalok dala ruma iregularidade mosu iha implementasaun Orsamentu Jeral Estado,” informa PM Xanana iha serimonia fó posse ba diretores nasionál nain 3 no xefe departementu nain 4 husi Gabinete Inspesaun Jerál Estadu (IJE) ne’ebé hala’o iha Jardin Ministériu Finansas, Kuarta (08/06).

PM ne’e dehan, maske rekoñese iregularidade ne’e barak, maibe Xefe Governu husu ba funsionariu estadu tomak tenki servisu makas hodi halakon tiha hahalok iregularidade ne’eb’e bele lori korupsaun.

Nia dehan, maske governu harii ona PDHJ, KAK, IJE no KFP rasik, maibe seifalta rekursu umanus barak atu hadi’a liu tan sistema administrasaun estadu.

.