UNDP Lansa Relatoriu PDH 2011 - “Timor Leste Rikusoin Barak, Povu Kiak Nafatin”

.

Jornal Nacional Diário - Kuarta, 04 Maio 2011

Dili-“United Nation Development Program (UNDP), Tersa (3/5)lansa relatoriu programa dezenvolvimentu Humano (PDH) iha Timor Leste ba tinan 2011, relatoriu ne’enia kontidu katak, timor Leste rikusoin barak maibe nia povu kontinua kiak nafatin.

Relatoriu ne’e, rezultadu estudu survey husi UNDP ke involve ema matenek barak hanesan Lembaga demokratika Indonesia nomos seluk ke komesa husi tinan 2006 to’o 2011.

Presidente Republika (PR), Jose Ramos Horta iha nia intervensaun hateten, relatoriu PDH 2011 ne’ebe UNDP, ne’e laos Biblia.

“Relatoriu ne’e laos Biblia ka Dogma ne’ebe ita labele muda,Biblia ne’e iha antigo testamunha ho Novo trstamunha deit, hau hanoin ita kompara ho nasaun Rhailandia ema sira ne’e avansadu, sira la presiza tau orsamentu ba infraestrutura, sira tau deit ba edukasaun, maibe ita nia governu fahe ba buat hotu-hotu,”deklara PR Horta ba partisipante tomak hafoin lansa relatoriu ne’e.

Maske nune’e, PR Horta haree katak, relatoriu ne’e presiza Governu tau atensaun atu investe liu tan iha edukasaun.

Konaba kontidiu relatoriu ne’e, PR Horta hateten balu kapaas maibe Timor Leste oras ne’e dadauk ninia ekonomia diak liu nasaun iha Afrika.

“Timor Leste nia kresimento ekonomia kapas, rai balu iha sahara, Afrika ne’ebe ita diak liu, dehan PR Horta hodi kompara.

Maske nune’e nia husu ba governu atu tau konsiderasaun ba relatoriu programa dezenvolvimentu humanu 2011 ne’e hodi hadia infraestrutura atu nune’e edukasaun bele lao diak.

Se infraestrutura hanesan Estrada ladiak, edukasaun mos labele lao, portantu liga malu dehan PR Horta.

Nia dehan, iha Timor Leste parte infraestrutura seidauk avansa ho diak, ida ne’e PR husu atu hadia diak liu tan nune’e mos sector edukasaun mos labele lao, portantu liga malu,”dehan PR.cru

.