Josefa Parada - Kuarta, 04 Maiu 2011 - Suara Timor Lorosae
DILI - Ema nebe toman ona konsumu tua manas, tantu tua sabu, tua jeneral, newport ou tua ho marka saida deit perigu ba saude no vida moris inklui mate, bainhira konsumu barak liu.
Maske too oras nee seidauk iha dadus ofisial ema nain hira ona mak mate depois konsumu tua manas, maibe husi informasaun komunidade nian katak iha ona joven lubuk ida mak mate depois konsumu tua manas.
“Hau hakarak hatete, tua manas kopu ida b ele habadak ita nia vida iha fulan ne’en (6) ka hitu (7) nia laran deit, neduni tenke kuidadu a’an didiak, tanba tua manas nia impkatu bo’ot liu ba iha ema nia aten, ita nia vigadu mak prosesu uluk depois prosesu fila ba ran no ba ita nia isin lolon tomak, impaktu alcohol la diak, tanba estraga aten, estraga rins, estraga mos kakutak,” Almeiro Manuel Pereira Soares infermeiru medicina homen kasu lia hirak nee ba jonalista iha nia servisu fatin Hospital Nasional Guido Valadares (HNGV) Bidau, Dili Tersa (3/5).
Nia hatete vitima sofre moras aten konvoka husi tua manas, ema nebe konsumu bebeik tua manas sei sofre moras aten no wainhira la halo tratamentu diak bele afeta ba mate. “Hau hakarak fo hatene liu-liu ba juventude sira, hau hare’e enjeralmente Timor laran agora daudaun ne’e liu-liu ba juven sira gosta koko halo kompetisaun hemu tua manas iha festa ka fim de semana (Sabadu, Domingu),ida nee nee perigu tebes ba sira nia vida,” dehan Almeiro.
Nia husu ba joven sira iha Timor laran tomak atu hadook aan husi konsumu tua manas, tanba joven hanesan futuru nasaun nian tenke moris saudabel, labele estraga aan no vida tomak ho tua kopu ida.
Lamberto Viana direitor Nasional Sekertariu Estadu Juventude no Desportu (SEJD) hatete, foin sae sai hanesan esperansa hodi fo konfiansa ba restaurasaun TL nia sentidu ne’ebe uluk jerasaun tuan sira kaer hodi restaura identidade proprio nasaun nee, nee duni tenke hado’ok a’an husi hemu tua manas.
Entertantu deputadu bankada CNRT, Arao Noe de Jesus hatete, joven hanesan estafeta lideransa foun nasaun nian hodi alkansa prosesu dezenvolvimentu rai nee ba oin tenke hadook aan husi hahalok a’at nebe bele estraga sira nia a’an no nasaun.
Joanico Amaral, husu ba joven sira atu hado’o k a’an husi tua manas, tanba hemu tua manas la diak ba saude. “Se joven sira sai moras atan, bele estraga laos estraga saude deit, maibe estraga future no estraga mos nasaun.” lia
.
0 comentários:
Enviar um comentário