Projetu Tibar Laiha Kualidade,Horta:" Sala Ministeriu Infraestrutura No Kontrator”

.

Timor Post - Sesta, 13 Maiu 2011

Dili- Presidente da Repúblika José Ramos Horta hateten katak konstrusaun projeito Tibar ne’ebé oras ne’e laiha kualidade maske sei dauk remata, ne’e salah husi Governu, Ministeriu Infraestruktura no kontraktor nian.

“Hau make ma investor husi pelika paradice, Ha’u taka ou soe tiha ona projeito ida ne’e,”Xefe Estado Horta hateten lia hirak ne’e kinta (12/5) depois remata serimonia intrega karta kredensial husi Embaixador Samoa no Azerbaijan nian iha Palasio Presidensial Nicolau Lobato Bairo Pite.

Nia hateten katak, projeito ida ne’e bo’ot teb-tebes no diak ba Timor Lestetanba investimento ne’e Trezentus Miloens de dolar,”Horta hateten.

“Nia (investor-red) pelican paradice ne’e mak lori investimento ne’e mai iha Timor Leste, Pronto ne’e laos Governu ou ema seluk nian”.

Portantu governu intrega tiha ona rai ne’e ba investor ne’e atu hari hotel sinku estrelas. Maibe fulan lima tiha ona, Governu seidauk rejolve lixu ne’ebe iha hela fatin refere.

“Uluk Governu promote atu remata iha tinan kotuk iha fulan Março maibe la konsege adia fali ba Abril no ikus mai adia liu tan ba Maiu,”katak Horta.

Horta hateten katak, akontesemento hanesan ne’e laos sal investor nian, maibe ne’e sala husi ita nia Governu rasik.

“Hau hatene ne’e sala husi ita nia Governu, sala husi Ministeriu Infraestrutura, sala husi kontraktor.

Entertantu projeito ne’ebe mak ita nia governu fob a kontraktor sira hodi halo fatin lixu nian ne’e laiha kualidade tamba mihis los.

“Hau rasik hare kualidade konstrusaun ne’e hau tauk, tamba mihis los la to’o 10 sentimus, kualidade ne’e fraku teb-tebes”.

Tamba tuir Horta katak, tanba ita atu tau be’e foher iha ne’eba, maibe 100% laiha kualidade, be’e foer ne’e bele tama iha rai okos depois estraga be matan hotu-hotu iha zona neba.

“Portantu hau sei konvida, Primeiru Ministru para direitamente halo vizita ba fatin refere, para nune’e bele hare rasik ho matan kualidade husi projeitu ne’e,”nia informa.

Entertantu, Edhon Investor Pelikan Paradice hateten katak, kuandu governu la halo prevensaun lalais ba fatin ne’e, sei lori perigu bo’ot ba meuambiente, tan ne’e governu tenki foti desizaun lalais para muda kedas ho urjentimente.(tom)

.