Jornal Nacional Diário - Tersa, 03 Maio 2011
Dili- Sekretariu Jeral Partidu FRETILIN, Marí Alkatiri husu Primeiru Ministru Xanana Gusmão atu rekonese aan duni iha tribunal ba problema ne’e.
Tuir Alkatiri, laiha PM ida ne’ebe mak iha mundu asina kontratu ida nein le’e didiak, depois ikus rekonese sala, ne’e la dun diak tanba osan povu nian.
“Governu deside ona hodi multa osan millaun ida kuatru sentus mill dollar Amerikanu ($1.4) mill) ba kompania Life’s engineering tanba kontra kontratu ne’ebe mak asina hodi halo portu temporariu Hera,”hateten Alkatiri ba militants no simpatizantes FRETILIN wainhira halo konsolidasaun iha Distritu Ainaro, Sabadu (30/4), iha Soro Kraik.
Alkatiri afirma, se pekadu PM Xanana bele rekunese nia sala para maromak bele fo perdua, maibe krimi PM Xanana Tribunal tenki fo julgamentu, hodi esklarse ba povu, antes ne’e, PM Xanana rekunese duni katak nia sala tanba asina kontratu ho kompania Life’s engineering hodi halo porto Naval hera, mais iha altura ne’eba nia la le’e didiak kontratu refere antes asina.
Tanba ne’e PM Xanana dehan atu ba tribunal mos nia pronto atu ba hatan tanba nia sala duni hodi asina kontratu ne’e la le’e didiak.
“Hau rekuinese hau sala duni, atu ba tribunal mos hau pronto ba, problema ita la matenek hotu, hau nia ingles mak how are you, o hela deit,”katak Xanana.bri
.
0 comentários:
Enviar um comentário