Jornal Nacional Diário - Sesta, 06 Maio 2011
Dili-“Primeiru Ministru Xanana Gusmão apela ba povu tomak atu labele fan rai ba ema estrangeiro, tanba fan hotu rai ne’ebe Timor oan sei sae hotu ba foho leten.
”Se imi fan tiha hotu tanba atu manan deit osan itoan, ema mai okupa tia fali fatin diak, dudu imi ba foho, ida ne’e ita fan so para hetan kareta oan ida ne’e ladiak,”apela PM Xanana ba povu tomak iha Palacio Presidensial, Kinta, (5/5), hafoin remata enkontru seminal ho Presidente Republika Jose Ramos Horta.
PM Xanana husu atu povu tomak kuidadu ho ema estrangeiro sira ne’ebe atu mai sosa rai, tanba bele fo perigozu ba Timor oan rasik iha futuru, abiza ba hotu-hotu katak, lao ho neneik oituan ba, aviza ba xefe suku sira mos keta fan tun sae rai,”tenik PM Xanana.
Oras ne’e dadaun, populasaun barak fan rai ba ema estrangeiro laiha direitu atu sosa rai iha Timor Leste, tanba ne’e populasaun sira mos labele fan arbiru rai ba ema.
Lei ba rai nian, oras ne’e tama deskute namanas iha Parlamento Nacional atu bele oinsa regulariza rai ne’ebe iha.cru
.
0 comentários:
Enviar um comentário