Josefa Parada - Kuarta, 18 Maiu 2011 - SUARA TIMOR LOROSAE
DILI-Maski hahan kompletu ba programa merenda eskolar, maibe laiha gas, entaun kujeneru sira labele tein ba labarik sira han, no programa ne’e rasik paradu durante semana rua ona, tanba ne’e husu ba governu liu husi Ministeriu Edukasaun aloka lalais gas foun para labarik lor-loron bele han.
“Durante semana rua ona hau nia estudante sira la han, tanba gas nia mangera a’at ate agora ME seidauk haruka gas foun ba ami.Nomos ami suzere ba ME katak, wainhira atu halo tender ne’e ema tenki iha responsabilidade,” hateten Direitor Eskola Primaria Publiku No Bidau, Amandio Soares, ba STL iha fatin Balide, Dili, Tersa (17/5).
Tanba tuir Soares katak, fos nebe’e sira uja ba programa ne’e barak mak ikus, (fos lotuk), maibe labarik sira han, so preokupasaun bo’ot mak gas laiha atu tein, tanba ne’e nia husu ba Ministeriu relevante atu hare lalais problema ne’e, tanba durante semana rua ona labarik sira lahan merenda eskolar.
Nia sublina katak, total estudante primeiru ano to’o terseiru ano hamutuk 923, professor hanorin 26, sala aprendezajem 11. Iha fatin seluk Ministru Edukasaun (ME),Joaõ Cancio Freitas, afirma katak, maibe agora ne’e merenda ida nebe’e ho menu fos,koto, masin no mina ne’e, pelemenus atu bele aguenta labarik sira iha oras rua ka tolu nia laran, no iha future oin mai bele hadia diak liu tan, invesde merenda sai fali hanesan almosu ida para labarik bele tama tuku ualu dader purezemplu sai tuku lima, nee para iha aktividade kurikulares eskola maibe iha mos aktividade estrakurukulares para bele tulun labarik sira nian ensinu prosesu apredezajem diak liu.Nomos sei sosa tan fasilidade hanesan gas,bikan kanoru para professor no estudante sira bele uja iha eskola.
“Mais agora ita nia kapasidade orsamentu mak ne’e ba tinan ida ne’e ami iha 1,5 milhoes maibe ida ne’e atu selu deit kujeneru sira nebe’e tein ba labarik sira, no osan restu ami sei kontinua sosa bikan nokanoru no sasan seluk nebe’e presiza para atu habelar ba eskola nebe’e seidauk hetan,”Cancio hateten.
Liafuan hanesan hato’o husi Presidenti da Republika Jose Ramos Horta, informa katak, Problema mak uluk WFP mak kaer maski iha difikuldade oi-oin lao maibe derepenti tinan liu ba ne’e 2010 governu mak kaer hotu I programa ne’e monu.
“Hau atu dehan deit tamba agora dadaun eskola barak fulan hira nia laran laiha ona programa merenda eskolar, agora dadaun governu hare ninia faila ne’e halo akordu fila-fali ho WFP,”tenik nia.
Nunee mos Direitor World Food Programme (WFP), Alberto Coreia Mendes, hateten, labarik hotu-hotu presiza saude diak, tanba nee merenda eskolar nee inportante teb-tebes ba labarik sira, atu nune’e sira ida-idak han iha eskola, liu-liu sira nebee iha area re motas. sin
.
0 comentários:
Enviar um comentário