Timor Post - Tersa, 31 Maiu 2011
Manufahi-“Lansamentu brigada dois iha sub Distritu Fatuberliu Distritu Manufahi iha Tersa lideransa suku sira eziji ba Ministeriu Agrikultura no peska atu tau importansia ba Agrikultores hotu ho apoiu ekipamentu handtrator ne’ebé mak oras ne’e dadaun fahe ba iha area kosta sul brigade dois abandona, tanba laiha kombustovel no ekipamentu.
Ba Jornalista Xefe suku Luciano Batista hatete ho lansamentu brigade dois oportunidade diak atu deklara preokupasaun balun sobre ajudu balun husi MAP, i durante ne’e kapa’as, maibe sai preukupasaun maka hanesan, kombustivel no ekipamentu la sufisiente hanesan saroa, rotisida, gradi, no alat sisir, tanba ne’e husu ba MAP atu aumenta liu tan ekipamentus refere.
Iha fatin hanesan, Xefe Suku Viriato da Costa Fernandes hateten ba MAP atu hare mos ba irigasaun be’ebé mak a’at, tanba tempo bailoron bee la tama ba natar.
“Ha’u hare extesionista minimu teb-tebes se bele aumenta liu tan inklui tekniku Handtrator nian, tanba komunidade barak mak seidauk hatene atu otiliza handtrator, no aproveita husu mos apoiu mesin baku hare no aumenta handtrator ba suku rural sira, nune’e produsaun agrikultur bele lao susesu no fo benefisiu ba komunidade sira iha país ne’e,”hateten Xefe Suku viriato.
Iha biban ne’e Xefe Brigada Dois distritu Manufahi Mario de Araujo hatete kona ba preokupasaun hirak ne’e ida ne’e kompetensia Governu, maibe responsablidade ami nia mak atu ajuda povu sira atu maneja didiak buat ne’ebe mak estadu fo ona nune’e bele produz buat ruma iha moris lor-loron hanesan halo to’os no natar.(tin)
.
0 comentários:
Enviar um comentário