Kaju Ne’e Tenki Lori To’o Tribunal

.

Josefa Parada - Tersa, 17 Maiu 2011 - SUARA TIMOR LOROSAE

DILI- Prezidenti Republika (PR) Jose Ramos Horta hatete kaju Oknum Forsa Armada ne’ebe halo krimi, kontra Direitus Humanus, tenki lori ba julga iha Tribunal.

“Hau hatene kaju ida ne’e tenki halo investigasaun seriu, labele iha Elementu Forsa Armada, Polisia no ema sivil ruma maka baku ema mate arbirum,”hatete PR Horta ba Jornalista, hafoin partisipa iha Seremonia Primeiru Jornada Científica e Noite Cultural, iha salaun Centru Comvensaun Caikoli Dili, Tersa (17/05).

Kaju ne’e tuir PR Horta tenki lori ba to’o Tribunal, laiha tratamentu especial. “laos elementu ida hatete hau Forsa Armada, hau Polisia, hau Politiku ka hau Ministru, ne’ebe bele halo ida ne’e no ida ne’eba tuir nia hakarak,”tenik PR Horta.

Komandante Supremu ne’e hatutan asaun ne’e violasaun Disiplina Internal Forsa Armada nian, tanba ne’e tenki investigasaun ba buat ne’ebe lalos.

Kona ba kaju ne’e Familia vitima, Brito do Santos, haktuir katak, molok akontesementu, membru F-FDTL nee ba halimar iha Santy, kolega feto ida nia uma. Sira hemu tua hodi konta istoria. Derepenti deit, sira haktuir ba malu, kona ba moras nebee Avo Francisco (vitima nia kaben) hetan. Oknum F-FDTL nebee durante nee halao knaar nudar Polisia Militar nee, dehan, hatene kura ema nia moras. Tamba nee, sira desidi atu ba haree no kura moras nee

Baku tiha vitima, oknum nee hatete ba vitima, katak, “o nee buan, hau tuku-tebe mos, o la mate”. Depois ida nee, oknum foti fali masin ho ahu, kahur hamutuk ho bee, hodi fui ba vitima nia ibun atu hemu.

Remata tiha torturasaun ida nee, onkum nee sente la satisfeitu. Nia kaer vitima nia roupa iha isin lolon, hodi lees hotu. Hafoin ida nee, nia kaer vitima nia ain hodi hatama ba iha bee possu nia laran hodi dehan, ida nee maka buat aat sira atu sai.

Brito hatutan, oknum Polisia Militar nee mai nia menyamar nia aan hanesan matan dook atu bele kura ema moras. Tamba nee, momentu nebaa, vitima no mos ema vizinu balun simu nia atu bele kura vitima nia kaben nebee hetan moras TBC, durante tinan barak ona. Terezinha da Costa

.