Jornal Nacional Diário - Kuarta, 25 Maiu 2011
2012, PR Horta Sei Obriga Governu Monta Internet Iha Sub-Distritu
Dili-“Orsamentu Geral Estado ba tinan 2012, Presidente Repúblika (PR) José Ramos Horta sei obriga Governu atu monta Internet tama sai Distrito no Sub-Distrito iha Timor-Leste tomak para estudante nomos públiku bele asesu.
Tuir PR Horta, atu responde ba mundo ne’ebé oras ne’e avansadu teb-tebes ho Informasaun no teknologia, maka governu tenki monta duni internet para Timor oan sira labele hakiduk fali mai kotuk.
“Iha orsamentu tinan 2012 ne’e mai, Governu tau osan maka’as liu ba edukasaun hodi monta Internet iha Sub-Distritu no Distritu para asesu informasaun global ba estudante sira,”dehan PR Horta iha dialogu aberta ho profesores nomos estudante eskola sekundaria Santo Antonio Essa Baucau Vila Antiga, segunda, (24/5), semana ne’e.
Horta dehan, tanba saida mak nia sei haka’as Governu atu tau prioridade liu ba edukasaun iha tinan 2012, tanba tinan 2012 Partido Politiku sira hotu fadigadu mak atu halo kompaña eleitoral.
“Hau (Horta) La fiar tinan 2012 atu hadia infraestrutura ne’ebé sei a’at hela, ne’ebé diak liu mak tau osan ba edukasaun, e saude para hasae nafatin kualidade, e infraestrutura mos sei la la’o tanba hotu-hotu sei tun mak halo kampaña,”tenik PR Horta.
Horta hatutan, obriga Governu atu monta Internet iha Sub-distritu, tanba iha Dili, Presidensia Repúblika loke ona Internet gratuita Wireless ba publiku ne’ebe ema barak mak ba asesu.cru
.
0 comentários:
Enviar um comentário