“FRETILIN Eziji PN Klarifika Viazen Ba Rai Liur”

.

Husi: Agus dos Santos - Jornal Independente - Tersa, 31 Maiu 2011

Dili-“Deputadu husi FRETILIN kontinua ezije meza Parlamentu Nasional, inklui Prezidente PN Fernando Lasama de Araujo, hodi atu esplika deputadu nain haat (4) nia viazen ba Finlandia no Italia foin lalais ne’e.

“Hau husu Prezidente Parlamentu Nasional atu kalrifika viazen deputadu sira nian, tanba presidente rasik deside kansela no publiku hotu akompanya (desizaun ne’e).

Maibe hakfodak deputadu sira ne’e kontinua halo viazen,”haktuir Vice Presidente Bancada FRETILIN Francisco Branco hateten iha Plenaria horseik.

Nia hatutan desizaun deputadu sira ne’e larespeita kredibilidade uma fukun.

Entertantu deputadu FRETILIN, Francisco Jeronimo, nudar membru PN ida ne’ebe halo vijita ba nasaun rua ne’e foin dadauk, hateten nia ba rai liur tanba hetan konvite husi governu.

Nia dehan molok nia hetan konvite nia hato’o ona karta subtituisaun temporariu ba meza PN.

“Antes ne’e hau halo ona karta subtituisaun temporariu no hau ba ne’e tanba desizaun governu nian, esplika nia ba INDEPENDENTE.

“Bainhira diario ne’e tenta atu konfirma ho prezidente PN maibe la asesu tamba okupadu ho servisu.

.