Husi: Agus dos Santos - Jornal Independente - Tersa, 31 Maiu 2011
Dili- Bloku AMP sei hetan kritika makas husi povu barak tamba grupo ne’e la konsege resolve problema Estrada iha nasaun ida ne’e.
Membru komisaun Eventual deputadu Francisco Araujo, dehan durante kampanya partidu politiku iha 2007, partidu barak fo promesa oioin hodi rejolve problema sira ne’e bainhira sira kaer ukun, maibe sira la konsege.
Nia hateten, kuaze Estrada tomak iha Timor Leste la lao normal.
“Bazeia ba fiskalizasaun emjeral husi komisaun tantu husi Bancada ASDT hodi halo audensia mos ho komunidade sira hatudu kondisaun Estrada sira ne’e piorliu tan tamba laiha atensaun masimu husi governu,”haktuir Francisco ba INDEPENDENTE.
Nia hatutan siruasaun ne’e komunidade tantu autoridade local kestiaona makas tamba kada tinan governu aloka orsamentu ne’ebe bo’ot maibe problema kontinua akontese.
“Osan kada tinan kontinua preve mais hanusa mak Estrada sira ne’e la resolve, Estrada nasional deit la resolve, pior liu Estrada rural,”lamenta Vice Xefe Bancada ASDT ne’e.
Tuir nia lolos iha orsamentu emerjensia hodi halo manutensaun ba Estrada hirak ne’e maibe rezultadu servisu iha kampu la hatudu mudansa positive.
Ho situasaun hirak ne’e tuir Vice Xefe Bancada ASDT ne’e katak situasaun ne’e sai dezafiu ida ba governasaun AMP tamba ladauk hatudu rejultadu dezenvolvimentu ne’ebe pozitivu.
“Agora tama ona anu de demokrasia katak tempu atu kampanya buat sira ne’e entaun situasaun sira ne’e atu resolve imediata sei susar. Promesa ne’ebe partidu sira promete iha tempu kampanya mak Estrada maibe saida mak akontese, lae ne’e dezafiu ida, tamba bainhira halo kampanya saida maka atu koalia tan iha tempu kampanya,”dehan deputadu ASDT Francisco.
.
0 comentários:
Enviar um comentário