Bancada FRETILIN, Francisco Branco, “Governu La Selu Subsidiu Fulan 5 ba Estajiariu Medisina”

.

Jornal Nacional Diário - Kuarta, 25 Maiu 2011

Dili-“Fulan 5 ona estajiariu medisina sira seidauk simu subsidiu nebe governu rpomete ba ema ida US$75.00/fulan.

Ho prosesu selu atraza subsidiu ba estajiariu medisina ne’e halo membru Parlamentu Nasional loke ibun hodi husu atu governu labele haluha ninia promesa.

Membru Parlamentu Nasional husi Bancada FRETILIN, Francisco Miranda Branco husu ba governu atu tau atensaun lalais hodi rejolve sunsidiu medisina estajiarius sira nian ne’e hodi bele fasilita sira nia knar.

“Formasaun dezenvolvimentu rekursu humanu importante iha kualker nasaun, tamba ne’e governu labele husik situasaun ne’e,”haklaken Branco ba JNDiario iha Uma fukun PN, Tersa (24/5).

Branco hatutan, atrazu selu subsidiu ba estajiariu medisina sira ne’e belelori konsekuensia ba sira prosesu estajiu nian, liu-liu atu responde sira nia akomodasaun.cal

.