Asuntu GS, Alexandre Downer Fo Obrigado Ba Marí Alkatiri

.

Alexander Downer

Jornal Independente - Segunda, 23 Maiu 2011-

Entervista Exclusivu ho Downer:" Greater Sunrise, TL Tenke Luta Maka’as”

Dili- Explorasaun Mina o gas iha Greater Sunrise (GS) iha Tasi Timor tenke fo benefisiu ba povu Timor Leste, Eis Ministru Negosiu Estranjeiru Australia Alexandre Downer hateten.

Ida ne’e hau nia pontu de vista katak mina no gas kompania sira tenki iha laran diak ba Timor Leste, atu dalan teknika oinsa hodi dezenvolve kampo sira, maibe hau hanoin sira presiza laran diak ba Timor Leste, atu dalan teknika oinsa ba dezenvolve kampo sira, maibe hau hanoin sira presiza laran diak ba Timor Leste no tau matan ba povu Timor Leste,” Downer dehan iha intervista exklusivu ho INDEPENDENTE hafoin atende serimonia aniversariu restaurasaun indepedensia iha 20 de maiu 2011.

Downer asina akordu Greater Sunrise ho Ministru Negosiu Estranjeiru Dr. Jose Ramos Horta, iha 2006 iha Camberna, Australia.

Durante iha Dili, Downer mos hasoru malu ho Eis Primeiru Ministru Marí Alkatiri iha Cede Comite Central FRETILIN iha Komoro semana kotuk hodi koalia kona ba Greater Sunrise.

“Hau hakarak rona saida maka Woodside (ho ninia joint Venture) hateten kona ba Greater Sunrise,”Downer dehan.

“Hau la hola parte iha Governu Australia ona, ida ne’e la’os hau nia responsablidade….. maibe Dr. Alkatiri ho hau negosiu akordu original. (Ida ne’e) benefisia los ba Timor Leste. Imi iha direitu dolares billiaun ualu ($8 billiaun) ne’ebe imi hetan iha rendementu husi Tasi Timor, “Obrigado akordu ne’ebe negosia husi Dr Alkatiri ho hau.

“Tamba ne’e hau hanoin lalika para, hau hanoin ita bele kontinua servisu ba ida ne’e,” Bainhira husu kona ba Governu Timor Leste nia hakarak atu kadores GS mai iha rai ida ne’e, Downer dehan nia la involve iha diskusaun ida ne’e.

Akordu Greater Sunrise konsege hetan asina iha 2006 hafoin liu husi negosiasaun ida ne’ebe defisil entre governu Timor Leste lideradu husi eis Primeiru Ministru Alkatiri no Governu Australia lideradu husi Primeiru Ministru Jhon Howard.

Desde 2007, Primeiru Ministru Xanana Gusmão tenta makas ona hodi konvenge woodside ho ninia parseiru joint Venture sira atu lori kadores mai iha Timor Leste maibe seidauk iha rejultadu pozitivu.

Hafoin hasoru malu ho Downer, Alkatiri dehan sira nain rua senti triste tanba negosiasaun seidauk lori rejultadu diak ida.

“Uluk koalia kona ba Tasi Timor ami nain rua maka hasoru malu, dala barak hirus malu tamba nia defende interese Australia no hau defende interese Timor Leste,”Alkatiri dehan.

Nia dehan, nia parte dala barak esforsu hodi ajuda negosiasaun Greater Sunrise maibe Governu rasik la fo oportunidade.

“Ne’e kestaun interese nasional, Governu ne’ebe deit maka kaer ukun hau prontu atu ajuda maibe se sira lakohi hau la obriga,”Alkatiri dehan.

.