Aniversariu Loron ASDT-FRETILIN

.

Timor Post - Segunda, 23 Maiu 2011

Dili-“Radio Maubere ne’ebe durante tinan barak lakon nia ezistensia husi publiku hahu husi tinan 1978, maibe Radio Maubere moris hikas fali iha loron aniversariu bad ala 37 ASDT-FRETILIN moris iha loron sesta (20/5) horsehik, ho FM 99.9 Mgz ne’ebe atu fahe informasaun ba militante no publiku sira ne’ebe presiza informasaun los.

Iha aniversario loron 20 fulan maiu hanesan loron moris ASDT-FRETILIN no iha loron importante ida ne’e Comite Central FRETILIN (CCF) mos aproveita hodi lansa Radio Maubere ne’ebe husi publiku iha tinan barak nia laran atu eziste fali iha nasaun Timor Leste hodi habelar informasaun ba militante no Públiku tomak ne’ebe presiza informasaun ne’ebe los.

Komemorasaun ba loron 20 Maio, tamba loron moris ASDT-FRETILIN no 11 de Setembru, tanba loron ne’e loron transferensia ASDT ba FRETILIN, tanba ne’e tinan-tinan FRETILIN sempre komemora loron 20 Maiu ho loron 11 Setembru ne’e.

Radio Maubere ne’ebe relansa iha tinan 2011 ne’e, tamba FRETILIN iha komprimisiu Politiku ne’ebe FRETILIN iha desde moris fo importansia tebes ba iha media, atu hato’o ba povu tomak.

Radio Maubere moris desde uluk sei iha 1974, husi FRETILIN halo programa Radio Maubere ne’ebe harii iha kuartel Jeral Taibesi i depois semana ida muda ba iha tore Aeroportu ninian to’o iha loron 7 fulan Dezembru tinan 1975, wainhira invazaun Indonesia tama Radio Maubere la bele halo operasaun i ses an husi publiku, Radio Maubere reestabelese fila fali iha ai laran iha 1978 wainhira baze de apoiu rahun isu atakes ninian.

Tamba ida ne’e maka bele hateten Radio Maubere moris ho povu Timor Leste iha rezistensia nia laran to’o mai iha ukun an.

Aliende komemorasaun aniversariu tinan 37 Partidu FRETILIN fo ba loron 20 de maiu moris nudar ho tema ida importante “Obero da Libertasaun da Patria e Libertar o Povu” katak, ‘Partidu nudar badaen ba ukun rasik an no sei liberta povu ida ne’e, Radio Maubere laos iha deit la’os iha deit programa politiku, maibe iha mos programa social, jovens, programa feto nian no programa oi-oin ne’ebe maka lansa iha programasaun Radio Maubere nian.

Iha loron inagurasaun reestabelesementu Radio Maubere, Comite Central mos intrega sertifikadu ba sira ne’ebe konfirmadu hanesan, Afonso Ridentor, Rogeiro Lobato, Dulce Cruz, Artur do Nascimento, Olandina Caero, Zafar Alkatiri, Fatima Guterres, Fernando Pedruco, Ernesto Faria, Abel Fernandes, Padre Leonecu, Jose Gomes, Alesandre Lemos, Agusto Vas, Egas Lemos.

Maske nune’ekomite Central FRETILIN mos agradese ekipa ne’ebe involve hodi fo kontribuisaun hari’I hikas emisaun Radio Maubere iha Timor Leste,”dehan Primeiru Vice Sekretariu Jeral Partidu FRETILIN, José Rais iha aprejentasaun Istoria Radio Maubere Sesta (20/5) iha Cede Comite Central FRETILIN (CCF) Comoro.(jxn)

.