Ahi Kontinua Mate Lakan, Komunidade Ejiji PM Hasai SEAU

.

Josefa Parada - Segunda, 16 Maiu 2011 - SUARA TIMOR LOROSAE

DILI–Eletrisidade dadauk ne’e sei sai problema ba Komunidade iha Kapital Dili, obriga komunidade ejiji Primeiru Ministru, Xanana Gusmao, atú hasai Sekretariu Estadu Eletrisidade Agua no Urbanizasaun (SEEAU) Januario Pereira.

“Tinan haat ona ita nunka sai husi problema ahi mate lakan, tanba nee tenke buka ona solusaun, tanba povu terus resin ona ba eletrisidade. Tanba nee tenke hasai Januario Pereira husi SEEAU, tanba figura nee laiha duni kapasidade,” Arcanjo Marques (Comunidade Comoro), kasu lia hirak nee ba STL foin lalais nee.

Nia sente duvida ho kestiona kapasidade Sekertariu Estadu, Januario Pereira nian, tanba tinan haat ona sei kontinua haree problema eletrisidade.

“Ne’e ami duvida ho nia estudu ne’e, tanba sa maka eletrisidade ne’e sempre mate hela deit, ida ne’e keta esperensia laiha karik,” tenik Arcanjo.

Iha fatin seluk, Sebastiao Almeida (Comunidade Lurumata) husú Sekeratariu Estadu Eletrisidade Agua i Urbanijasaun (SEEAU), Januario Pereira atú seriu haree problema eletrisidade, tanba povu terus makaas ona ba eletrisidade.

Nune’e mós, Calistro Maria Magalhaens (Juventude), husu Sekertariu Estadu Eletrisidade Urbanizasaun atu rejignaan husi governu, tanba inkapasidade. “ Ami laiha ona fiar ba Januario, ami hein PM Xanana bele troka ona SEEAU. Tanba dadaun ne’e ami baruk ona hakilar ba eletrisidade, tanba ahi mate hela deit,” tenik Calistro.

Mariano Margaretha da Silva ladun satisfeitu ho eletrisidade ne’ebe mate lakan. Lolos iha tinan hirak nee nia laran governu nee bele resolve ona, maibe sei kontinua uza area nee hanesan projetu atu hetan osan. pri
.