TL Tenki Dezenvolve Seitor Agrilkultura

 .

Mericio Akara

Josefa Parada - Segunda, 18 Abril 2011 - SUARA TIMOR LOROSAE

DILI–Direitor Luta Hamutuk Mericio Akara hatete katak, Governu Timor Leste liu husi Ministeriu Agrikultura I peskas (MAP) tenki dezenvolve seitor agrikultua tanba seitor hirak ne’e sai principal iha Nasaun ne’e

“ Depois ita ukun aan too agora tuir ami obserbasaun ita nia dezenvolvementu seitor ne’e seidauk masimu,” hatete Akara ba STL iha nia knar fatin Farol foin lalais ne’e.

Tuir nia katak, husi governu antirior to’o agora iha duni inisiativu husi governu atu dezenvolve seitor agrikultura, hodi organiza halo intensifikasaun halo produsaun bele barak liu, maibe hanesan lha sira mos akompania prosesu ne’e tuir sira nia konkluzasaun katak, esforsu hotu hotu iha maibe seidauk masimu.

“ Agora sei ita hare didiak ita nia governasaun ida agora dadaun ne’e hanesan MAP iha inisiatinvu hodi inpoin tratores fini, ho objeitivu hodi hasae produsaun para bele hanoin atu exsporta, maibe dala ida tan ida nee mos seidauk fo rezultadu maksimu.” katak Akara.

Sira rekohese katak inistivu nee iha duni, governu nee iha duni planu atu dezenvolve seitor ne’e, maibe tuir sira nia hanoin tanba seidauk masimu, tanba ne’e hanoin estrategia maka seidauk pas.

Nia hatete, distribuisaun traktor seidauk iha preparasaun diak, ladun prepara kondisaun, entaun trator ne’e ba duni iha objeitivu atu hasae produsaun, maibe la konsege tanba agrikultor sira seidauk toman hodi uza.

Direitur Nasional Agrikultura e Holtikultura Gil Rangel da Crus hatete katak, politiku governu nian ho apoiu parseiru dezenvolviment hotu, MAP hare iha teknik oinsa hadia teknik kultivu nian, atu bele implementa, tuir teknik ne’ebe diak hodi nune’e hasae produsaun.

“MAP halo enkontro bebeik, I halo programa nasional atu identifika hotu rekursu ne’ebe governu iha, ho rekursu ne’ebe parseiru dezenvolvimentu halo ona, tau ona iha timor para ita bele aranka ba oin,” tenik Rangel.

Alende Direitur Nasional Politika Planeamentu Octavio da Costa Monteiro A,salenta katak Governu liu husi ministeriu agrikultura e peskas nia politika tinan oin mai bele hasae produsaun agrikultura tanba traktor, hentraktor ami fahe hotu ona distritu ida-idak ne’eduni fiar katak, povu agrikultura hasae prudusaun.

Maibe husu komunidade sira apoiu tomak bele dezemvolve setor agrikultura laos governu deit importante ba povu agrikultura iha inisiativa ida katak, bele servisu maka’as hetan redementu husi sira produsaun fo bantajen sira produtu rasik.

Alende Marcus Amaral nudar estudante salenta katak, atu dezemvolve setor agrikultura laos governu mesak maibe importante komunidade liu povu agrikultura rasik fo kontibuisaun be¬le hasae sira produsaun bele benefisiu ba sira hetan redementu boot hodi sustentabel ba uma. jef
.