Teixeira: Fretilin Halo Tiha Ona Promesa ba Estado TL Liu Husi Xanana Gusmao

.

Friday, 15 April 2011 - Written by Domingos da Silva

CJITL flash, Deputado Fretilin iha Parlamentu Nasional ne'ebe kaer knar komunikasaun no relasaun publiku, Jose Teixeira konfirma katak povu Timor Leste tenki optimista ba rai ida ne'e, tanba Fretilin rasik halo tiha ona promesa ba estado liu husi Xanana Gusmao.

Teixeira hateten, iha loron 31 Dezembru 2009, kuando Primeiru Ministru Xanana Gusmao partisipa iha aniversariu saudozo Nicolao Lobato nia mate, iha Farol, Dili, Fretilin liu husi Prezidente Francisco Guterres Lu- olo promete ona katak durante tinan 2010 – 2020 nu'udar decade ba paz, estabilidade no dezenvolvimentu.

“Fretilin nia promesa mak ne'e, hakarak periodu tinan sanulu ne;e hanesan tinan ba paz, estabilidade no dezenvolvimentu tanba buat tolu ne'e tenki la'o hamutuk iha povu nia le'et se ita hakarak lori nasaun ba futuro ida diak liu” Teixeira reafirma pozisaun Fretilin nian.

Teixeira hateten ida ne'e liu husi Debate Nakloke ho jornalistas iha Fundasaun Oriente, Dili, Kinta feira ne'e (14/4).

Debate nakloke ne'e rasik organiza husi Centru Jornalista Investigativu Timor Leste – CJITL.

Debate ne'e rasik partisipa husi Membru Comite Sentral nain 5 hanesan, Estanislau Aleixo da Silva, Arsenio Bano, Joaoquim Amaral, Aisha Basarewan no Inacio Moreira.

Partisipantes sira ne'ebe sai sasin iha debate ne'e mak Comisariu husi Comisaun Nasional ba Eleisaun - CNE, Arief Sagran no reprezentante International Republic Institute - IRI iha Timor Leste, Karlito Nunes. (Domingos da Silva/CJITL)

.