REFORMA TRIBUTARIA AMP NIAN BA RIKU SIRA

.

HUSSI - AB

Wainhira AMP halo proposta revisaun ba Lei Tributaria  diskusaun iha plenaria Parlamentu Nasional Timor Leste deputadus barak AMP nian ho Guvernu de Faktu hateten katak reforma tributaria ho hamenus verbas tributarias barak hodi bele fasilita aumentu investimentu rai liur iha rai laran, hodi kria empregu ba jovens sira no hamenus folin sasan iha rai laran.

Reforma tributaria halo liu ona tinan 3, efeitu ba ekonomia Timor Leste iha sektor pribada iha ituan deit, mosu barak mak makelar bisnis sira, timor oan sira barak sai intermediarius ba bisnis bot sira hodi manan persen deit husi bisnis mai husi rai liur nebe hetan projetus fasil la liu tender husi governu de faktu AMP.

Importasaun aumenta makas husi gastus publiku, laiha aumentu ba exportasaun sasan rai laran ba rai liur. Produsaun domestika la sae maske gastus osan publiku aumenta tinan tinan, sira nebe riku riku ba bebeik husi osan fasil hetan husi lapresija serbisu makas no bele sosa sasan nebe folin as.

Kiak sira sustenta riku sira ho sosa sasan folin as tebes maske reforma tributaria halo tiha ona no maske osan publiku nia intensaun atu gasta hodi hamenus kiak, politika fiskal, no komprensaun marco economia husi Governu de Faktu AMP, fraku no bele lori ita tama ba moras ekonomia hanesan malisan rekursu, no se lori tempu naruk atu hadian, tantangan bot ba FRETILIN atu hadian situasaun wainhira kaer ukun.

Reforma Administrativa Governu de Faktu AMP nian halo liu ona tinan rua liu ba. Reforma administrativa AMP nian lolos hahu hanesan persegesaun politika ba funsionarius Estadu Timor Leste ho deskunfia sira hanesan ema FRETILIN.

Saida mak AMP koalia kona ba reforma administrativas mak muda funsionarius sira tun sae no aumentu ba funsionarius temporarius nebe iha FRETILN nia ukun hamutuk 20 000 liu inklui PNTL no F-FDTL sae ba 40 000 desde AMP ukun liu too ohin loron,aumentu numerus funsionarius barak akontese iha funsaun publika ho aumentu funsionarius temporarius.

Reforma nee mos akontese ho aumentu salarius iha nivel balun iha funsaun publika no aumentu nivel konselheirus nasionais ho sira nia salarius as liu direktores nasionais sira, salarius no subsidius ba politikus sira Parlamentares no Membrus Governu hetan aumentu 500%.

Maske iha Kampanha 2007 PM de Faktu Xanana ho Presidente Ramos Horta hateten katak salarius ukun nain sira iha FRETILIN nian ukun as tebes.

Aumentu salarius no subsidius ba Parlamentares ho Governu no ba funsionarius publiku sira sae, maibe nivel produtividade serbisu tun, inklui horas serbisu mos menus, tempu barak gasta ba dansa poco poco iha loron sexta-feira no viagens ba estranjeiru.

AMP hari duni Komisaun Funsaun Publiku no karik idea ekselente mas politijadu.

AMP nia planu atu deklara temporarius sira sai permanentes, se akontese duni, FRETILIN se serbisu bot atu hadian situasaun ida nee.

.