Josefa Parada - Tersa, 19 Abril 2011 - SUARA TIMOR LOROSAE
HATUBILICO-Povu iha Sub Distrito Hatubilico,Distrito Ainaro,lamenta tebes ho fos ne’ebe marka Globus, AAA,matahari ne’ebe oras ne’e folin sae makas,tamba ne’e povu ejiji ba Governu presiza halo entervensaun direita ba fos nia folin.
“Hau senti triste tebes tamba oras ne’e folin fos sae makas,tan ne’e husu ba Governu tenki halo intervensaun,tamba povu mukit laiha kbit atu sosa fos hirak ne’e.”Dehan Xefi Suku Nunumoge Antonio M.Lopes ba STL,iha nia hela fatin Suku Nunumoge,Sub Distrito Hatubilico,Distrito Ainaro.
Nia haktuir tan katak,Governu presiza koalia ho emprejariu sira ne’ebe mak oras ne’e fan fos,tamba oras ne’e dadaun negosiante sira ne’ebe fan fos iha merkado no kios ho presu ne’ebe bele dehan oho povu.Antonio akresenta.
Iha fatin hanesan hanesan hato’o mos husi komunidade suku Nunumoge Martinho da Costa katak,nia parte la’a menta tebes,tamba agora dadaun fos ho marka globus,AAA no seluk seluk tan fan ho folin $ 28.00,basa povu ne’e rasik laiha osan para atu sosa fos
“ho presu fos ne’ebe mak sae makas hanesan ne’e halo ami povu kiik sira labele sosa,tamba ami fan deit modo tahan iha merkado deit ema lasosa tia ona,ne’e oinsa mak ami bele hetan osan para hodi sosa tan fos ne’ebe folin karun.Martinho lamenta.
Entertantu iha parte seluk komunidade Sub Distrito Hatu’udo,Mariano Magno de Araujo husu ba Governu atu halo monitorizasaun kada fulan fulan ba fatin importador sira ne’ebe importa fos para hodi hare direitamente,atu nune’e bele identifika lolos problema presu fos ne’e akontese iha parte ida ne’ebe. “Hau husu ba Governu atu tun direitamente ba gundang distributor hodi hare,tamba sa mak problema fos ne’e,sei a’as nafatin,hodi halo povu sira halerik kada lor loron,” Mariano akresenta.
Joao da Silva nudar komunidade Sub Distrito Hatu’udo realsa tan katak agora dadaun iha merkado no kios sira presu fos sei sae makas nafatin hanesan Globus 30kg ho presu $30,25kg ho presu $26, nune’e mos ho presu fos seluk seluk nia presu hanesan deit.Karik problema ne’e Governu la seriu hodi kontrola mak konserteza povu mukit sira iha are izoladu sei infrenta hamlaha, Joao akresenta.Cax
.
.
0 comentários:
Enviar um comentário