Jornal Independente - Tersa, 26 Abril 2011
Husi: Agus dos Santos
Dili- Relasiona ho konflitu ne’ebé mosu entre membru Polisia Militarno membru Polisia Nasional Timor Leste husi Unidade Task Force iha sesta semana kotuk, nu’udar aktu negativu ba estabilidade nasional.
Ba kestaun ne’e, Celestino da cunha, estudante Universidade de Dilihatete nu’udar estudante preokupa maka’as ba akontsementu refere tamba tuir nia, ezemplu hatudu ona iha krizi 2006 liu ba.
“Ezemplu mak krizi 2006, ne’e la’os povo ki’ik maka halo,institsuisaun seguransa hamutuk ho lideransa mak kria situasaun iha momentu ne’ebá,”relembra Celestinho hodi afirma katak hahalok refere,nu’udar imajen negativu ba estabilidade nasional ne’ebe ema hotu hein.
Nune’e mos Napoleão de Jesus, Joventude Suku Kaikoli, ne’ebe mos preokupa ba situasaun refere tanba tuir nia, instituisaun rua ne’e mak garante seguransa iha nasaun laran.
“Lolos sira mak kaer seguransa, entaun hatudu ezemplu diak ba komunidade liliu juventudi sira, mais lae, sira mak halo situasaunne’e sai aat uluk,”lamenta Napoleão.
.
0 comentários:
Enviar um comentário